________________ ગુણ મારા આત્મામાં પરિણામ પામે છે કે નહિ. આત્મા અંદર જાય તો મોહ અંદરથી ભાગે. આપણા જેવા જીવો માટે આ કલિકાલમાં તરવા માટે જ્ઞાનસાર શાસ્ત્ર સમર્થ છે. કેમકે તેમાં સમગ્ર આગમોના તમામ રહસ્યોનો નિચોડ અને અનુભવ મૂકી દીધો છે. અને પૂ. દેવચંદ્રજી મ. એ "જ્ઞાનમંજરી" નામની ટીકા રચીને એકદમ સરળતાથી પોતાના અનુભવો તેમાં ઠાલવ્યાં છે. વર્તમાનમાં તેઓ મહાવિદેહમાં પૂર્ણતાનો સ્વાદ માણી રહ્યાં છે. અહીં કેવી ભૂમિકા રચીને ગયા હશે કે ત્યાં કેવલી પર્યાયમાં છે. આપણો પુણ્યોદય છે કે આપણને બેઠો માલ મળી ગયો છે. હવે રાત-દિવસ એમાં જ મચી પડીએ. ગુરુકૃપાથી એની દિશા મળી શકે. મોહ ઉપર વિજય મેળવવો એ આત્માનો સગુણ છે પણ આપણે લોક પર વિજય મેળવવા નીકળ્યાં છીએ તેથી અશાંતિની આગમાં પડીએ છીએ. પરમાત્માએ વિજય મેળવ્યો. કોની સાથે લડીને? આંતરિપુ સાથે લડીને વિજય મેળવ્યો. બહારના વિજયમાં તો પરાજય છે. જ્યારે અંદરના પરાજયમાં વારંવાર લડતાં પણ મહાવિજય છે. આત્મામાંથી સંસારને કાઢવાનો છે. તો જ આ સંસરણરૂપ જન્મ-મરણની પીડામાંથી મુક્ત થવાશે. ફક્ત જાણકાર શું કરે? તમે જે બોલ્યા તેમાંથી ઝીણામાં ઝીણી ભૂલ પકડી શકે. બોલ્યા તેમાંથી રહસ્યને પકડવાને બદલે મહત્તા ભૂલને આપી, આથી તેવા જીવો કાંઈ પામી શકતા નથી, જાણીને તાણવામાં જ પડ્યા રહે છે. શુષ્કવાદ કરે તેને માત્ર ગળું સુકાવવાનું જ આવે, રહસ્યને ન પામી શકે. જ્યાં પણ તત્વ આવે ત્યાં ગુણને જ પકડવાનાં છે. વસ્તુમાં રહેલો જે ધર્મ તે જ તત્ત્વ છે. તે ગુણ કે સ્વભાવ ન પકડાય ત્યાં સુધી આત્મા તેના પારને નથી પામતો. અર્થાત્ પોતાનામાં રહેલા ગુણને તે પામતો નથી. સર્વજ્ઞની વાત પર શ્રદ્ધા ચોક્કસ છે પણ પ્રતીતિના સ્તર પર નિર્ણય નથી. વાચના–વ્યાખ્યાનાદિ સાંભળતાં મૂંગા નથી બેસી રહેવાનું. પ્રશ્નો જ્ઞાનસાર-૨ // પપ
