________________ પરમાત્માની ભક્તિ ઉત્તમ દ્રવ્યથી શા માટે કરવાની ! ઉત્તમ દ્રવ્ય ઉત્તમના ચરણે ધરવાથી દ્રવ્ય પરનો રાગ તૂટે છે. વીતરાગને સમર્પિત કરવાથી જડનો રાગ તૂટી ચૈતન્ય પર પ્રેમ પ્રગટે છે. 'ભક્તિ માંગે ભોગ' પરમાત્માને ભોગ અર્પણ કરો તો ભોગો બિચારા ભોગવાઈ જાય. અને આપણને વીતરાગતાનો જ ભોગ મળશે. વીતરાગને કરેલું સમર્પણ વીતરાગતાને જ અર્પણ કરે. જેમ ગરમ વાયુ સ્પર્શે તો ગરમી જ આપે અને ઠંડો વાયુ શીતળતા જ આપે. તેમ વીતરાગના મુખમાંથી નીકળેલી વાણીને આદરીએ તો વીતરાગતા જ મળે અને સંસારીનો આદર કરીએ તો ઉકળાટ જ મળે. જ્યાં સુધી જીવ ચરમાવર્તામાં આવતો નથી ત્યાં સુધી તે મોક્ષમાર્ગનો દ્વેષી જ છે અને શરમાવર્તામાં આવે પછી જ પ્રીતિ અનુષ્ઠાન આવે એ પહેલા નહિ. જેનું મન શરીરના સુખથી ઊઠતું નથી તે શાસન પામવાને લાયક બનતો નથી. માટે જ પ્રથમ ચિત્તમુંડન મૂક્યું. વીતરાગમાં રાગ કરવાથી રાગ ઓગળી જાય. * ત્રણ પ્રકારે મુંડન (1) ચિત્તમુંડન (2) ઈદ્રિય મુંડન (3) કષાય મુંડન (1) ચિત્તમુંડન - મિથ્યાત્વનો ત્યાગ એટલે ચિત્તમુંડન તેના વિના આગળ ન વધાય. ખોટી માન્યતા જ્યાં સુધી મૂકાય નહિ ત્યાં સુધી બધું નકામું છે. (2) ઈદ્રિય મુંડન - એટલે વિષયોનો ત્યાગ અથવા અંકુશ. (3) કષાય મુંડન - મોહનો ત્યાગ. મિથ્યાત્વના ત્યાગથી જ પરમાત્માની વાતનો સ્વીકાર થશે, તો જ વ્રતોનો સ્વીકાર થશે. જ્ઞાનસાર-૨ || 141
