________________ ચરણકમળથી પવિત્ર થયેલું છે. ઉપધાન, ઉજમણાં અને જૈન કોન્ફરન્સનું સંમેલન જેવાં પુણ્ય કાર્યો થયાં છે. જૈન સમાજનાં મહાન રત્નો જેવાં કે પ્રવર્તક મુનિશ્રી કાંતિવિજયજી, મુનિ હંસ વિજયજી, મુનિ વલ્લભવિજયજી વગેરે આ શહેરમાં જન્મીને શહેરનું નામ પાવન કર્યું હતું. એટલે વીરક્ષેત્ર કહેવામાં આવે છે. સાહિત્ય મીમાંસામાં રસના સંદર્ભમાં વીર રસના ચાર ભેદ ગણાવ્યા છે. દયાવીર દાનવીર, યુધ્ધવીર અને ધર્મવીર. તે દૃષ્ટિએ વિચારતાં આ ભૂમિ ધર્મવીરોની જન્મભૂમિ ને ધર્મકાર્યો જિન શાસનની પ્રભાવના જેવી પ્રવૃત્તિમાં પરમપાવન નિશ્રા ગીતાર્થ ગુરુ ભગવંતોની પ્રાપ્ત થઈ હતી એટલે વીર ક્ષેત્ર નામ સાર્થક થાય છે. પોતાનો પરિચય આપતાં જણાવ્યું છે કે - વીરક્ષેત્ર વડોદરું ગુજરાત મધ્ય ગામ, ઉદર નિમિત્તે સુરત સેવ્યું ને ગામ નંદરબાર" કવિ દીપવિજયે પણ વીરક્ષેત્ર વડોદરાનો સંદર્ભ જણાવ્યો છે. “પંડિત દીપવિજય કવિરાજ બહાદુર સો ગુજરાત દેશ વડોદરા કે વાસી” દીપવિજય કવિરાજ આ વીર ભૂમિના જિન શાસનના શણગાર સમા અણગાર - નરરત હતા. તેનાથી વડોદરા નગરી અને જૈન સમાજ ગૌરવ અનુભવે છે. સંદર્ભઃ વડોદરા જૈન મંદિરાવલી : પ્રકા, શ્રી જૈન એસોસીએશન ઓફ બરોડા ઈ.સ. 1917)
