________________ શ્રીમાન તપાગચ્છીય ભટ્ટારક વિજય લક્ષ્મીસૂરિ ઉપગારાત્ સં. 1876 વર્ષે પં. દીપવિજય કવિરાજ બહાદુર “સો ગુજરાત દેશ વડોદરા કે વાસી", સો શ્રી ઉદયપુર મહારાણાશ્રી ભીમસિંહજીકો આશ્રી વચન દેવનેકું આએ.૩ કવિની પોતાની આ નોંધ ઉપરથી એમનું જન્મ સ્થળ વડોદરા છે એમ સ્પષ્ટ રીતે જાણવા મળે છે. આ સિવાય એમની બીજી કોઈપણ રચનામાં જન્મસ્થળ કે અન્ય માહિતી દર્શાવતો ઉલ્લેખ ઉપલબ્ધ થતો નથી. દીપવિજય કૃત “મહાનિશીથ સૂત્રના બોલની હસ્તપ્રતનું સાક્ષરરત પૂ. મુનિશ્રી જિનવિજયજીએ સંપાદન કર્યું હતું. તેમાં જણાવ્યું છે કે વડોદરાના રાજા ખંડેરાવે એમને કવિ બહાદુનો ઇલ્કાબ આપ્યો હતો. પણ આ ઈલ્કાબ આપવાનું કારણ દર્શાવવામાં આવ્યું નથી. - શ્રીમંત રાજા ગાયક્વાડે કવિ દીપવિજયને કવિરાજનું બિરૂદ આપ્યું હતું. તેનો સંદર્ભ નીચેની નોંધથી મળી આવે છે. “તે કવિએ રચેલ અને વિ. સં. ૧૮૭૭માં અઢી હાથ લાંબા અને પોણા બે હાથ પહોળા કપડા ઉપર સ્વહસ્તે લખેલ રાઠોડ મહારાજા માનસિંહના કીર્તિ ગુણ સમુદ્રબંધ આશીર્વચન કાવ્યના ચિત્રમય પટ્ટમાં કરેલા ઉલ્લેખ પરથી જણાય છે.” આ માહિતી કવિને પ્રાપ્ત થયેલ બિરૂદ અંગે પ્રકાશ પાડે છે. “વડોદરા જૈન મંદિરાવલીમાં “વડોદરું એ વીરક્ષેત્ર શાથી? તે વિશે જણાવ્યું છે કે વડોદરા શહેર અનેક ત્યાગી જૈન મુનિઓના
