________________
3 કલ્યાણકોની આરાધના 2 • કલ્યાણકોની આરાધના અનેક રીતે થઈ શકે છે – (૧) કલ્યાણકભૂમિની આરાધના -
પ્રભુની કલ્યાણકભૂમિઓમાં જઈને ત્યાં થોડા દિવસ રહેવું. ત્યાંના સ્પંદનોનો અનુભવ કરવો. ત્યાં રહેલી પ્રભુની ઊર્જાનો અનુભવ કરવો. ત્યાંના પવિત્ર વાતાવરણનો અનુભવ કરવો. આ બધા દ્વારા આપણી આત્મિક ચેતનાને જાગ્રત કરવી અને અધ્યાત્મમાર્ગે પ્રગતિ કરવી. વર્ષો પહેલા તે ભૂમિમાં થયેલા પ્રભુના કલ્યાણકોને કલ્પનાની આંખથી નિહાળવા અને માણવા. પ્રભુના કલ્યાણકો વખતે આપણે સાક્ષાત્ હાજર હતા અને આપણી નજર સમક્ષ બધા પ્રસંગો થઈ રહ્યા હતા તેમ જોવું. અથવા અત્યારે આપણી હાજરીમાં જ પ્રભુના કલ્યાણકો ઊજવાઈ રહ્યા છે તેમ જોવું. આમ જોવાથી આપણી રોમરાજી વિકસિત થઈ જાય અને આપણા હૈયામાં આનંદ આનંદ થઈ જાય. કલ્યાણકભૂમિમાં સ્થિરતા દરમ્યાન નીચે પ્રમાણે આરાધના કરવી દ્ર (૧) અષ્ટપ્રકારી પૂજા કરવી. (૨) ત્રિકાળ દેવવંદન કરવા. (૩) ઉભયટંક પ્રતિક્રમણ કરવા. (૪) યથાશક્તિ ઉપવાસ વગેરે તપ કરવો. (૫) તે તે કલ્યાણકનું ધ્યાન કરવું. (૬) ૧૨ સાથિયા કરવા. (૭) ૧૨ પ્રદક્ષિણા + ૧૨ ખમાસમણા આપવા. (૮) ૧૨ લોગસ્સનો કાઉસ્સગ કરવો. (૯) તે તે કલ્યાણકભૂમિનો મહિમા સ્વયં સમજવો અને લોકોને સમજાવી
તેમને કલ્યાણકભૂમિની આરાધનામાં તત્પર બનાવવા. (૧૦) કલ્યાણકભૂમિની રક્ષા અને પ્રભાવના કરવી. (૧૧) કલ્યાણકભૂમિનો જીર્ણોદ્ધાર કરવો - કરાવવો.
...૫૬...
