SearchBrowseAboutContactDonate
Page Preview
Page 68
Loading...
Download File
Download File
Page Text
________________ (૫) પ્રભુના નિર્વાણકલ્યાણકની આરાધનાથી સંસારકારાવાસમાંથી છુટકારો થાય છે અને શીઘ્ર મુક્તિની પ્રાપ્તિ થાય છે. (૬) પ્રભુના કલ્યાણકો વખતે ચૌદ રાજલોકમાં અજવાળા થાય છે. પ્રભુના કલ્યાણકોની આરાધનાથી આપણા આત્મામાં પણ સમ્યજ્ઞાનનું અજવાળું થાય છે. (૭) પ્રભુના કલ્યાણકો વખતે બધા જીવોને સુખનો અનુભવ થાય છે. પ્રભુના કલ્યાણકોની આરાધનાથી આપણને પણ આત્મિક સાચા સુખનો અનુભવ થાય છે. (૮) પ્રભુના કલ્યાણકો વખતે ઈન્દ્રનું અચલ સિંહાસન કંપે છે. આપણી હૃદયભૂમિ પર અનાદિકાળથી મોહરાજનું સિંહાસન અચલ રહ્યું છે. પ્રભુના કલ્યાણકોની આરાધનાથી મોહરાજનું સિંહાસન કંપે છે અને મોહરાજ ઊથલી પડે છે. પછી આપણી હૃદયભૂમિના સિંહાસન પર પ્રભુ બિરાજમાન થાય છે અને કર્મો સામેના યુદ્ધમાં આપણો વિજય થાય છે. (૯) કલ્યાણકોની આરાધનાથી પ્રભુની સાથે એક વિશેષ પ્રકારનો સંબંધ બંધાય છે, પ્રભુની સાથે અંતરંગ પ્રીતિ ઊભી થાય છે અને એક દિવસ આત્મા સ્વયં પરમાત્મા બની જાય છે. માટે બીજા નકામા કાર્યો છોડીને કલ્યાણકોની આરાધનામાં ઉત્સાહસભર જોડાઈ જવું જોઈએ. * * * * ...૫૫... * હે ભવોદધિજહાજ ! જ્યાં સુધી સૂર્ય ઊગતો નથી ત્યાં સુધી જ અંધકાર હોય છે. જ્યાં સુધી સિંહ આવતો નથી ત્યાં સુધી જ હાથીઓ મદથી આંધળા હોય છે. જ્યાં સુધી કલ્પવૃક્ષ નથી મળતું ત્યાં સુધી જ દરિદ્રતા હોય છે. જ્યાં સુધી વરસાદ નથી વરસતો ત્યાં સુધી જ પાણીની તંગી હોય છે. જ્યાં સુધી પૂર્ણ ચન્દ્ર નથી ઊગતો ત્યાં સુધી જ દિવસનો સંતાપ હોય છે. તેમ જ્યાં સુધી આપના દર્શન નથી થતાં ત્યાં સુધી જ કુબોધ ટકે છે.
SR No.032489
Book TitleKalyanak Mahima
Original Sutra AuthorN/A
AuthorRatnabodhivijay
PublisherRamjibhai Veljibhai Gala
Publication Year2018
Total Pages82
LanguageGujarati
ClassificationBook_Gujarati
File Size6 MB
Copyright © Jain Education International. All rights reserved. | Privacy Policy