________________
નપ્રોક્કાશીય કલ્યાણકમહિમાં નામના આ પુસ્તકને આજે સાનંદ અને સોત્સાહ પ્રકાશિત કરીએ છીએ. પરમપૂજ્ય ગુરુદેવશ્રી વૈરાગ્યદેશનાદલ આચાર્યદેવ શ્રીમદ્વિજય હેમચન્દ્રસૂરીશ્વરજી મહારાજના શિષ્યરત્ન મુનિરાજશ્રી રત્નબોધિવિજયજી મહારાજ આ પુસ્તકના લેખક છે.
આ પુસ્તકના નામ ઉપરથી જ પુસ્તકનો વિષય જણાઈ જાય છે. આ પુસ્તકમાં મુનિરાજશ્રીએ કલ્યાણકોનો મહિમા વર્ણવ્યો છે. વિવિધ ગ્રંથોના આધારે મુનિરાજશ્રીએ તીર્થંકરપરમાત્માના પાચે કલ્યાણકોની લગભગ બધી જ માહિતી આ પુસ્તકમાં સંગૃહીત કરવાનો પ્રયત્ન કર્યો છે.
કલ્યાણકોનો મહિમા લોકોને સમજાય અને લોકો કલ્યાણકોની આરાધના કરી આત્મકલ્યાણ કરે એવી પવિત્ર ભાવનાપૂર્વક મુનિરાજશ્રીએ આ પુસ્તક લખેલ છે. આપણું કર્તવ્ય બને છે કે મુનિરાજશ્રીની ભાવના અને પરિશ્રમને સફળ કરવા આપણે આ પુસ્તક બરાબર વાંચીએ અને કલ્યાણકોની આરાધનામાં ઉદ્યમશીલ બનીએ.
વિ.સં. ૨૦૭૪, ફા.સુ. ૬, બુધવાર, તા. ૨૧-ર-૨૦૧૮ ના દિવસે મુનિરાજશ્રીને ગણિ-પન્યાસ-પદ-પ્રદાન થશે અને વિ.સં. ૨૦૭૪, ફા.સુ. ૭, ગુરુવાર, તા.૨૨-૨-૨૦૧૮ ના દિવસે મુનિરાજશ્રીને વર્ધમાનતપની ૧૦૦મી ઓળીનું પારણું થશે. આ પ્રસંગે પ્રકાશિત થનારા અગ્યાર પુસ્તકોમાંથી એક પુસ્તક આ “કલ્યાણકમહિમા' છે. તે અગ્યાર પુસ્તકોના નામો આ પ્રમાણે છે - (૧) એડ્રેસ (૨) સિગ્નલ (૩) થેલી (૪) દ્વાર (૫) મંદિર (૬) કેડી (૭) સોપાન (૮) સુગંધ (૯) કલ્યાણકમહિમા (૧૦) અંદર ઊતરીએ (૧૧) ભાવના ભાવીએ
આગળ પણ આવા અનેક શુભકાર્યો કરવાના અવસર, શક્તિ અને ભાવ અમને સાંપડે એવી પરમાત્માને ભાવભીની અભ્યર્થના.
લિ. શ્રેષ્ઠીવર્ય સાવકશ્રી રામજીભાઈ વેલજીભાઈ ગાલા
