________________
ત્રણ પ્રદક્ષિણા આપે છે. પછી ઈશાનખૂણામાં વિમાનને મૂકીને તે પ્રભુના જન્મભવનમાં પ્રવેશે છે.
માતાજીને અને પ્રભુને ત્રણ પ્રદક્ષિણા આપીને વંદન કરીને સૌધર્મેન્દ્ર કહે છે, ‘હે રત્નકુક્ષિ માતા ! હું સૌધર્મેન્દ્ર છું. હું પહેલા દેવલોકમાંથી પ્રભુનો જન્મોત્સવ કરવા માટે અહીં આવ્યો છું. હું પ્રભુનો જન્મોત્સવ કરીશ. માટે તમારે ડરવું નહીં.'
આમ કહીને તે માતાજીને અવસ્વાપિની નિદ્રા આપે છે. પછી તે માતાજીની પાસે પ્રભુનું પ્રતિબિંબ મૂકે છે. સૌધર્મેન્દ્ર પ્રભુને મેરુપર્વત પર લઈ જવાના છે. ત્યારે કોઈ દુષ્ટ દેવ આવીને માતાજીને આપેલી અવસ્વાપિની નિદ્રા હરી લે તો પુત્ર ન દેખાતાં માતાજી આકુળવ્યાકુળ થઈ જાય. અથવા તે વખતે સ્વજનો આવે અને બાળક ન દેખાતાં શોકાતુર થઈ જાય. આવું ન થાય તે માટે પ્રભુનું પ્રતિબિંબ મૂકાય છે.
ત્યારપછી સૌધર્મેન્દ્ર પ્રભુને હાથમાં લે છે. તે પોતે પાંચ રૂપ બનાવે છે. એક રૂપથી તે પ્રભુને ગ્રહણ કરે છે, બે રૂપોથી આજુબાજુ ચામર ઢાળે છે, એક રૂપથી છત્ર ધરે છે, એક રૂપથી આગળ વજ ધરે છે. આ રીતે સૌધર્મેન્દ્ર પાંચ રૂપો બનાવીને પ્રભુજીને લઈને મેરુપર્વત પર જાય છે. મેરુપર્વતના શિખર પર રહેલ પાંડકવનમાં અભિષેકશિલાઓ છે. સૌધર્મેન્દ્ર પ્રભુને ખોળામાં લઈને તે શિલાઓ ઉપર રહેલા સિંહાસન પર બેસે છે. પાંડકવનમાં ચારે દિશામાં ૧-૧ અભિષેકશિલા છે. તે પ્રમાણે દ્ર
આ
દિશા
અભિષેકશિલાનું નામ
પૂર્વ
પાંડુશિલા (મતાંતરે પાંડુકંબલા) પાંડુકંબલા (મતાંતરે અતિપાંડુકંબલા)
દક્ષિણ
પશ્ચિમ રક્તશિલા (મતાંતરે રક્તકંબલા)
રક્તકંબલા (મતાંતરે અતિરક્તકંબલા)
ઉત્તર
આ શિલાઓ અર્ધચન્દ્રના આકારની છે. તેમનો ગોળાઈવાળો ભાગ અંદરની બાજુ હોય છે અને સીધો ભાગ બહારની બાજુ હોય છે. ઉત્તર
...૧૭...
