Page Text
________________
હોમ કરે છે. તેની રાખથી તેઓ રક્ષાપોટલી બનાવે છે. શાકિની વગેરેનો દૃષ્ટિદોષ ન લાગે તે માટે તેઓ તે રક્ષાપોટલી માતાજીને અને પુત્રને બાંધે છે. પછી તેઓ પ્રભુ પાસે આવીને કાનમાં કહે છે કે, “આપ પર્વતના આયુષ્ય જેટલા આયુષ્યવાળા થાવ.” આમ કહીને તેઓ પથ્થરના બે ગોળાઓ અફળાવે છે. પછી તેઓ માતાજીને અને પુત્રને પાછા શય્યામાં મૂકીને પોતપોતાની દિશામાં ઊભી રહીને ગીતગાન કરે છે. આ રીતે પ૬ દિકકુમારિકાઓ સૂતિકર્મ કરે છે.
- ૬૪ ઈન્દ્રો વડે કરાતો પ્રભુનો જન્મોત્સવ પ્રભુના જન્મ વખતે સૌધર્મેન્દ્રનું સિંહાસન કંપે છે. તે અવધિજ્ઞાનથી જાણે છે કે, “પ્રભુનો જન્મ થયો છે.” તે પાયદળના સેનાપતિ હરિપૈગમેષીદેવને બોલાવીને કહે છે, “પ્રભુના જન્મકલ્યાણકને ઊજવવા આપણે મેરુપર્વત પર જવાનું છે. તે માટે બધા દેવોને બોલાવો.” હરિëગમેષ દેવ સુઘોષા ઘંટ વગાડે છે. તેથી બધા વિમાનોના ઘંટ વાગે છે. બધા દેવો સાવધાન બને છે. હરિબૈગમેષીદેવ બધા દેવોને સૌધર્મેન્દ્રનો આદેશ જણાવે છે. બધા દેવો સૌધર્મેન્દ્રની પાસે આવી જાય છે.
સૌધર્મેન્દ્ર પાલકદેવ પાસે એક લાખ યોજન લાંબું-પહોળું અને ૫૦૦ યોજન ઊંચું પાલક વિમાન બનાવડાવે છે. તેમાં વચ્ચે ઈન્દ્રનું સિંહાસન હોય છે. તેની આગળ ઈન્દ્રાણીઓના ૮ ભદ્રાસનો હોય છે. ડાબી બાજુ સામાનિકોના ૮૪,૦૦૦ ભદ્રાસનો હોય છે. જમણી બાજુ અત્યંતરપર્ષદાના દેવોના ૧૨,૦૦૦ ભદ્રાસનો, મધ્યમપર્ષદાના દેવોના ૧૪,૦૦૦ ભદ્રાસનો અને બાહ્યપર્ષદાના દેવોના ૧૬,૦૦૦ ભદ્રાસનો હોય છે. પાછળ સાત સેનાપતિના સાત ભદ્રાસનો હોય છે. ચારે દિશામાં દરેકમાં આત્મરક્ષકદેવોના ૮૪,૦૦૦ ભદ્રાસનો હોય છે. સૌધર્મેન્દ્ર પોતાના પરિવાર સાથે તે વિમાનમાં બેસે છે અને પૃથ્વીતલ તરફ પ્રયાણ કરે છે. અન્ય દેવો પોતપોતાના વિમાનોમાં બેસીને પૃથ્વીતલ તરફ આવે છે. નન્દીશ્વરદ્વીપમાં વિમાનનો સંક્ષેપ કરીને સૌધર્મેન્દ્ર પ્રભુના જન્મભવન પાસે આવે છે.
સૌધર્મેન્દ્ર વિમાનમાં બેઠા બેઠા જ વિમાન સહિત પ્રભુના જન્મભવનને
૧૬...
| SR No. | 032489 |
| Book Title | Kalyanak Mahima |
| Original Sutra Author | N/A |
| Author | Ratnabodhivijay |
| Publisher | Ramjibhai Veljibhai Gala |
| Publication Year | 2018 |
| Total Pages | 82 |
| Language | Gujarati |
| Classification | Book_Gujarati |
| File Size | 6 MB |