Bhikkhu Drushtant

SR No.: 032435
Original Sutra Author: N/A
Author: Jayacharya, Madhukarmuni
Publisher: Jain Vishva harati
Publication Year: 1994
Total Pages: 354
Language: Hindi
Classification: Book_Devnagari
File Size: 21 MB

Page 76

दृष्टांत : ११६ हवै । पिण औ तौ मूळगा मिथ्यात्वी, श्रद्धा ऊंधी, गाजीखां मुल्लाखां रा साथी । ते सुद्ध किम हुवै । सुद्ध श्रद्धा आवै अनै पछै नवी दीक्षा रूप जन्म थयां सुद्ध हुवै।
११६. बणी-बणाई बांमणी किण हि पूछ्यौ-भीखणजी ए पिण धोवण ऊंन्हौ पांणी पीय साध रौ भेष राखै, लोच करावै, औ साधु क्यूं नहीं ?
जद स्वामीजी बोल्या- बणी-बणाई ब्राह्मणी रा साथी है। ते बणी-बणाई ब्राह्मणी कुंण ?
स्वामीजी बोल्या-एक मेरां रौ गांम हौ। जठे उत्तम घर नहीं। महाजन आवै सो दुख पावै । मेरां नै कह्यौ-अठै उत्तम घर नहीं सो म्हे थाने लागत दां छां अनै अठै उत्तम घर विनां रोटी पांणी री अवखाई पड़े।
जद मेरां सैहर मै जाय माहजनां नै कह्यौ-म्हारे गाम बसौ थारी उपरसरो राखसां। पिण कौई आयौ नहीं। जद एक ढेढां रौ गुरु मूऔ। तिणरी स्त्री गुरड़ी तिणनै मेरां ब्राह्मणी बणाई। ब्राह्मणी जिसा कपड़ा पैहराया । जागा कराय तुलसी रौ थांणौ रोप्यौ, जागां धवलकी । मेरणियां ब्राह्मणी जिसौ घर कर दीयौ। दोय रुपीयां रा गोहूं मेल्या। अधेली नां मूंग, अनै एक रुपयां रौ घी मेल्यौ। कह्यौ महाजन आवै जिणांनै पइसा लेई रोटीयां कर घालबो कर। ___ महाजन आवै ज्यां नै मेर ते ब्राह्मणी रौ घर बताय देवै । केतले एक काळ च्यार व्यापारी घणां कोसां रा थाका आया। मेरा नै कह्यौ-उत्तम घर बताओ। जद ब्राह्मणी रौ घर बतायो। __ व्यापारी आयनै बोल्या-बाई रोटीयां करनै घाल। जद इण गोहारी जाड़ी रोटीयां कर माहै सुरहौ घी घाल्यौ। दाळ करी तिणमै काचरीयां न्हाखी ते महाजन जीमतां बखाण करै–फलाणां गाम री रांधण देखी। अमकड़ीयै सैहर नी रांधण देखी। बड़ा-बड़ा सहरां री घणा गांमां री रांधण देखी। पिण इसी चतुराइ कोई देखी नहीं । दाल किसीक स्वाद हुई है। माहै काचरीयां घाल नै बहुत चोखी बणाइ है।
जद आ बोली-वीरां ! काचरी रा स्वाद री तौ तीखण मिली हुंती तौ खबर पड़ती।
जद औ बोल्या तीखण कांई ? जद आ बोली-काचरियां बंदारवा नै छुरी न मिली। औ बोल्या-छुरी न मिली तो किण सूं बंदारी ? जद आ बोली-दांतां सं बनार-बनार नै माहै न्हांखी है । जद औ बोल्या हे पापणी, म्हांनै भिष्ट किया । थाळी पटकवा लागा।