Page Text
________________
हाटांत : ९-११
२४० लगावणौ। मंगा रो संघटो इन करणौ। इम कही नै "द्रव्य लाय लागी, भावे लाय लागी" अनुकंपा चौपाई/इण ढाळ री मोकळी गाथा कही, तिण मै कह्यो-"कूआ वारै-लाय बारै काढू, सो ओ तौ उपगार कीयो इण भव रौ" ओ पद आयां लोक बोल्या-भीखणजी उपगार मांन है ?
जद हेमजी स्वामी बोल्या-ओ उपगार मांन है। जद लोक घणा राजी हुवा । इतरै चतराशाह आय बोल्या-चरचा आछी हुई माहो मांही हेत रह्यो। अब पधारो। जद ठिकाण पधाऱ्या। स्वामीजी नै आय समाचार कह्या। स्वामीजी सुणनै घणा राजी हुवा। स्वामीजी ए चरचा पाना मै उतार लीधी।
९. थारी श्रद्धा थां कन, म्हारी म्हां कनै ___पाली रै बारे दिशा गया जद टीकमजी बोल्या-थांरे अनुकंपा कोई नहीं, थे जीव बचावी नहीं।
जद हेमजी स्वामी बोल्या-म्हारै अनुकंपा घणी तीखी है। भगवान कह्यौ जिण रीते हिंसा छौड़ाय देवां। अनै थे कही-म्हे जबरी सं बचावां, तौ औ नीलो ऊगी है, तिहां गाय आय खावा लागी, थे देखो तो छोड़ावी के नहीं ? जद जाब अटक गयो । मुळक नै बोल्या-थांरी श्रद्धा थां कन, म्हारी श्रद्धा म्हां कन, इम कही चालता रहा।
१०. किण रा टोळा रो ? जोधपुर में भेखधारणियां ने हेमजी स्वामी पूछ्यौ-थे किणरा टोळा री?
जद ते रीस करनै बोली-थारा गुरां रौ माथी मुंड्यौ त्यांरा टोळा री। जद हेमजी स्वामी बोल्या-म्हारा गुणां रौ माथौ तौ सघला पेली नाई मूंड्यौ तौ थे नाई रा टोळा री हो । जद खीसाणी पड़ने चालती रही।
११. थे तो जीवता बैठा हो? नाथद्वारा मै सं० १८७८ रे रुघनाथजी रा साध बोल्या-थे थानक रौ दोष कहो तो भारमलजी चल्या, मांडी करी, ११ सो रुपीया लगाया, ओ थानै पाप कितरौ लागौ ? ।
__ जद हेमजी स्वामी बोल्या-उणांने तो चल्यां पछै मांडी मै बेसांण्या, तिण सूं साधां नै पाप लागै नहीं, ज्यूं थान पिण मुंवां पछै थानक मै वेसाण तो थांन ई पाप न लागै पिण थे तो जीवता थानक मै बैठा हो तिण सूं थाने पाप लागै, जद सुणनै वख-वख हंसवा लाग गया।
| SR No. | 032435 |
| Book Title | Bhikkhu Drushtant |
| Original Sutra Author | N/A |
| Author | Jayacharya, Madhukarmuni |
| Publisher | Jain Vishva harati |
| Publication Year | 1994 |
| Total Pages | 354 |
| Language | Hindi |
| Classification | Book_Devnagari |
| File Size | 21 MB |