________________
१३. तर- तर तनु आतंक से रे, प्रबल प्रसार पिछाण ।
गुरु पद प्रणमी वीनवैरे, जो मुनि अवसर जाण ।। १४. हे जिनशासन - सेहरा ! रे, हे जिनशासन-भाण !
हे जिनशासन - साहिबा ! रे, भैक्षवगण - महाराण ! १५. उम्र हजारी आपरी रे, मघवा री आशीष ।
आसन अखी रहो सदा रे, ज्यूं ग्रह- गण - उडु - ईश ।। १६. पण सारां री प्रार्थना रे, है विनम्र आवाज ।
उग्र व्याधि स्यूं आपरो रे, ग्रसित अंग महाराज ! १७. हूणो चावै पाछलो रे, कोई पूज्य ! प्रबंध ।
ज्यूं भिक्षूगण में रहै रे, अविच्छिन्न संबंध ।। १८. म्है अर्थी प्रभु अरज रा रे, ऊभा जोड्यां हाथ ।
निर्णय करणो आपनै रे, आखिर शासणनाथ ! १६. बार-बार विनती करी रे, गुरु न कियो कुछ गोर ।
अलख गती गुरुदेव री रे, चलै न किणरो जोर । । २०. तीज तिथी कार्तिक बदी रे, निशा दूसरे याम ।
श्री माणक महिमागरू रे, समवसऱ्या सुरधाम ।। २१. सार्द्ध च्यार बरसां सुधी रे, मघवा-पटधर पास ।
कालू करत उपासना रे, बसिया गुरुकुलवास ।। २२. गौण रूप वर्णित कर्यो रे, माणक रो सौभाग्य ।
मुख्य रूप हित झांकज्यो रे, 'माणक - महिमा '' प्राज्ञ ! २३. कालूयशोविलास री रे, विरमी छट्ठी ढाळ । भव्य ! सभ्य ! आगल सुणो रे, रचना रसिक - रसाळ ।।
कलश
२४. युवराज शासनराज संयम सर्व आयू क्रम सरस, दिन च्यार साढ़ी च्यार अरु छब्बीस तैंयाली बरस । मघराज-आसन पाक-शासन भिक्षुशासन रो मणी, वरि समय-जाण सुजाण माणक सुर-समृद्धि सुहावणी ।।
१. आचार्य श्री तुलसी द्वारा विरचित माणकगणी का जीवन-वृत्त
७६ / कालूयशोविलास-१
