________________
दुहा १. ए वात लोकां में विसतरी, रिषभ देव जी कह्यो , आंम।
भरत जी आउखों पूरों करे, मोख जासी अविचल ठांम।।
२. काल कितोएक वीतां पछे, भरत जी बेंठा सभा मझार।
कोटवाल पकड़ एक चोर नें, तिणनें लेइ आया दरबार।।
३.
चोर आण्यों उभों देखनें, पूछे छे भरत माहाराज। इणनें बांध आण्यों किण कारणे, इण कांइ कीधो , अकाज।।
४. जब कोटवाल कहें हाथ जोडनें, इण चोरी कीधी नगरी माहि।
इम सुणनें कहे , भरत जी, इणनें मारो इहां थी ले जाय।
५. अब बाबा
जब चोर विनो करे बोलियो, जोडे दोनॅड हाथ। आप अबके छोडों मोनें जीवतों, हूं चोरी न करूं पृथीनाथ।।
६. जब भरतजी कहें कोटवाल नें, इणरी घात मत करजो आज।
चोरी छोड्यां तो चोर मर गयों, हिवें इणने मारों किण काज।।
७. तिण चोर ने जीवतों छोडीयों, ते चोर गयों निज ठांम।
तिण चोर चोरी कीधी वळे, जब वळे पकड लीयों तांम।।
८. चोर नें फेर ल्यायों सभा मझे, आंणनें उभों राख्यों ताहि।
भरत जी तूं मालिम करी, चोर उहीज छे माहाराय।
९. जद कहितों हूं चोरी करूं नही, वळे चोरी कीधी घर फोड।
जब भरतजी कह्यों कोटवाल नें, इणरो मस्तक न्हांखो तोड।
