________________
વેદમાર્ગણા હોય છે અને જ્યાં સુધી કષાયનો ઉદય હોય છે. ત્યાં સુધી જ કષાયમાર્ગણા હોય છે. એ નિયમાનુસારે વેદત્રિક અને સંજ્વલન ક્રોધાદિ-૩ નો ઉદય નવમા ગુણઠાણા સુધી હોવાથી વેદત્રિક અને સંક્રોધાદિ-૩ માર્ગણામાં ૧ થી ૯ ગુણઠાણા જ હોય છે. ૧૦મું વગેરે ગુણઠાણા ન હોય.
સંજ્વલનલોભનો ઉદય ૧૦મા ગુણઠાણા સુધી જ હોય છે. તેથી સંવલોભમાર્ગણામાં ૧થી૧૦ ગુણઠાણા જ હોય છે. ૧૧મું વગેરે ગુણઠાણા ન હોય.
અવિરતિમાર્ગણામાં ૧થી ૪ ગુણઠાણા હોય છે. પાંચમું વગેરે ગુણઠાણા ન હોય. કારણકે દેશવિરતિધરને પાંચમું અને સર્વવિરતિધરને પ્રમત્તાદિ ગુણઠાણા હોય છે. એટલે ૫ થી ૧૪ ગુણઠાણા સુધી અવશ્ય વિરતિ હોય છે. તેથી અવિરતિમાર્ગણામાં પ થી ૧૪ ગુણઠાણા ન હોય.
અજ્ઞાનત્રિકમાર્ગણામાં બે અથવા ત્રણ ગુણઠાણા હોય છે. તેમાં કેટલાક કર્મગ્રન્થકારભગવંતનું એવું માનવું છે કે, જો મિશ્રદૃષ્ટિજીવ મિથ્યાત્વની સન્મુખ થયેલો હોય, તો સમ્યત્વના અંશ
ઓછા હોવાથી જ્ઞાનના અંશ ઓછા હોય છે અને મિથ્યાત્વના અંશ વધુ હોવાથી અજ્ઞાનના અંશ વધુ હોય છે. અને જો સમ્યકત્વની સન્મુખ થયેલો હોય, તો સમ્યકત્વના અંશ વધુ હોવાથી જ્ઞાનના અંશ વધુ હોય છે અને મિથ્યાત્વના અંશ ઓછા હોવાથી અજ્ઞાનના અંશ ઓછા હોય છે. તો પણ આ બન્ને અવસ્થામાં મિશ્રદષ્ટિને ન્યૂનાધિક પ્રમાણમાં જ્ઞાનના અંશ અવશ્ય હોય છે. તેથી ત્રીજા ગુણઠાણે અજ્ઞાનને બદલે જ્ઞાન માનવું જોઇએ. એટલે અજ્ઞાનત્રિકમાર્ગણામાં બે જ ગુણઠાણા હોય છે. મિશ્રાદિગુણઠાણા ન હોય.
હું ૧૦૩ રે
