________________
अनियट्टि भागपणगे, इगेगहीणो देवीसविहबंधो । पुमसंजलणचउण्हं, कमेण छेओ सतर सुहुमे ॥ ११॥ चउदंसणुच्चजसनाणविग्घदसगंति सोलसुच्छेओ । तिसु सायबंधछेओ, सजोगिबंधंतुणंतो अ ॥ १२॥ उदओ विवागवेयणमुदीरणमपत्ति इह दुवीससयं । सतरसयं मिच्छे मीस-सम्मआहारजिणणुदया ॥ १३॥ सुहमतिगायवमिच्छं, मिच्छंतं सासणे इगारसयं । निरयाणुपुव्विणुदया, अणथावरइगविगलअंतो ॥ १४ ॥ मीसे सयमणुपुव्वी-णुदया मीसोदएण मीसंतो ।। चउसयमजए सम्मा-णुपुव्विखेवा बियकसाया ॥ १५ ॥ मणुतिरिणुपुव्वि विउवट्ठ, दुहग अणाइज्जदुग सतरछेओ । सगसीइ देसि तिरिगइ, आउ निउज्जोय तिकसाया ॥ १६ ॥ अट्ठच्छेओ इगसी, पमत्ति आहारजुगलपक्खेवा । थीणतिगाहारगदुगछेओ, छस्सयरि अपमत्ते ॥ १७ ॥ सम्मत्तंतिमसंघयणतियगच्छेओ बिसत्तरि अपुव्वे । हासाइछक्कअंतो, छसट्ठि अनियट्टिवेयतिगं ॥ १८ ॥ संजलणतिगं छछेओ, सट्ठि सुहुमंमि तुरियलोभंतो । उवसंतगुणे गुणसट्ठि, रिसहनारायद्गअंतो ॥ १९ ॥ सगवन्न खीण दुचरिम निद्ददुगंतो अ चरिम पणपन्ना । नाणंतरायदंसणचउ, छेओ सजोगि बायाला ॥ २० ॥ तित्थुदया उरलाथिर-खगइदुग-परित्ततिग-छ-संठाणा । अगुरुलहुवन्नचउ-निमिण-तेयकम्माइसंघयणं ॥ २१ ॥ दुसर सुसर साया-साएगयरं च तीस वुच्छेओ । बारस अजोगि सुभगा-इज्ज जसन्नयरवेयणीयं ॥ २२ ॥
AIMIN
૨૧)
