________________
संधि :
उन्भडभिउडी भीममुहु भडथड थभिवि वणिवरकारणे।
वितरदेउ गरेसरहा सीहहाँ सीहु व भिडिउ' महारणे ॥ चंपापुरवरंबुरुहसूरही दुट्ठसत्तुकुसुमोहचूरहो। णियपयावभेसियसुरिंदहो झत्ति धाइवाहणणरिंदहो। जं मसाणमज्झम्मि लक्खियं / चरणरेहि तं एवि अक्खियं । देवदेव वणिएण रंभिया तुम्ह भिच्च पहरंत थंभिया। तो णिवेण अवरे वि पेसिया वितरेण पुणु ते वि भेसिया। अण्ण अण्ण जे जे वियंभिया तेण भत्ति ते ते णिसुभिया। ता णिवस्स' सहसा णमंतओ कहइ को वि अइबुद्धिवंतओ। वणिवरिंदपक्खिई ससाहसो तहिँ वियंभए देव रक्खसो। तसु वि सेणु दीसइ गरुक्कओ णं समुदु मज्जायमुक्कओ। तं सुणेवि णरवइ पलित्तओ णं हुआसणो घिyण सित्तओ। जो करेइ तही पक्खु तिहुवणे अज्जु णेमि हउँ सो जमाणणे । गहिरु रायवयणेण वजए समरतूरु खयघणु व गजए। तं सुणेवि पुलओ विसट्टओ कहाँ वि णिविड़ सण्णाहु तुट्टओ। सगुणु धम्मु गेण्हंतु दीसए मुणिवरो व्व भडु को वि सीसएँ। को वि तोणजुयलेण भासुरो उक्कमेइ णहे णं खगेसरो। महइ को वि जयसिरिविलासिणी वुत्त छंदु एसो विलासिणी । घत्ता-रणरहसेण को वि सुहडु पवरु थंभु उम्मूलिवि धावइ ।
दाणवंतु थिरथोरकर दुण्णिवारु सुरवारणु णावइ ॥१॥
१५
२०
१. १ ख सिंहउ। २ ख भडिउ। ३ ख ग घ कूरहो। ४ ख तेण । ५ क ग घ ताम णिवहो। ६ ख वणिवरिंदु, ग घ पक्खिउ । ७ ख बहु । क ख ग घ भासए। ६ क ग घ थिरु थोरु करु ।
