________________
શ્રી નેમિનાથ પરમાત્માનું સ્તવન
૧૪૯
જરૂરી છે. વિજાતીયનો સંબંધ ઉપકારી થતો નથી.પરંતુ બંધનકર્તા થાય છે.
તથા પુદ્ગલ દ્રવ્ય સાથે અનાદિકાળનો સંબંધ છે તે દ્રવ્યનો સતત પરિચય છે જેટલા જેટલા અંશે આ પુદ્ગલ દ્રવ્યને ગ્રહણ કરીએ જેટલી માત્રામાં તેનો સંબંધ વધારીએ તેટલો તેટલો તેટલી માત્રામાં મારો આ જીવ કર્મોથી બંધાય છે. ગાઢ કર્મોવાળો બને છે. આ આત્મા કલંકિત થાય છે. ગુણોનું આચ્છાદન વધતું જ જાય છે. મારો આ આત્મા સંસારમાં ડુબતો જ જાય છે. તેનાથી બાધકભાવ, પરકર્તૃતા, સ્વગુણોની અવરોધકતા, ચૈતન્યાદિ ગુણોની વિપર્યાસતા આવા આવા બાધક-ભાવોની વૃદ્ધિ થાય છે.
અનંત કાલથી પુદ્ગલોને ગ્રહણ કરવાનું, તેમાં જ રચ્યા પચ્યા રહેવાનું, મોહાન્ધ થવાનું જ કામ મારા આત્માએ કર્યું છે. તેમાં અલ્પમાત્રાએ પણ આત્મહિત થયું નથી. બલ્કે આત્માના ગુણો અવરાયા જ છે. મારી અધોગતિ જ થઈ છે. નવાં નવાં કર્મો જ બંધાયાં છે. આ આત્મા કર્મબંધોથી કલંકિત જ થયો છે.
તેમ કરતાં બાધકભાવ, પરકર્તૃત્વ, સ્વગુણરોધકતા, તથા ચૈતન્યાદિ ગુણોની વિપર્યાસતા આવા આવા દોષોની જ વૃદ્ધિ થઈ છે. અને આજ સુધી મેં પણ દોષો જ વધાર્યા છે. પણ આત્મહિત કર્યું નથી તે માટે આ સર્વપ્રકારનો પુદ્ગલદ્રવ્યનો જે સંગ છે તે બહારથી કર્મના બંધની અને અંદરથી મમતાભાવની વૃદ્ધિ કરે છે. માટે ઉત્તમ જીવે તે પુદ્ગલ દ્રવ્યો ગ્રહણ કરવા જેવાં નથી.
આ પ્રમાણે રાજુલનારીએ મનમાં વિચાર કર્યો. તેથી આ પુદ્ગલદ્રવ્ય પણ ગ્રહણ કરવા જેવું નથી. કારણ કે ભૂતકાલમાં જે જે જીવોએ આ પુદ્ગલદ્રવ્યનો મોહ કર્યો છે. સંબંધ વધાર્યો છે તે તે જીવો
