________________
શ્રી મલ્લિનાથ પરમાત્માનું સ્તવન
૧૧૫ આ પ્રમાણે બાધક કારણ ષટ્સને ત્યજીને સાધક કારણ ષકને સેવીને આ જ આત્મા પોતાની જ સિદ્ધતા - પરમોત્તમતા એટલે કે સર્વથા નિરાવરણતા પ્રગટ કરે છે. વિભાવદશાથી આત્માને અટકાવીને સ્વભાવદશામાં આત્માને જોડવાના ઉપાયો રૂપે આ ગાથાઓ છે.
अहमिक्को खलु सुद्धो, निम्ममओ नाणदंसणसमग्गो । तम्मि ठिओ तच्चित्तो, सव्वे एए खयं नेमि ॥ १ ॥
મારો આ આત્મા એક છે જ્ઞાનાદિ અનંત ગુણ પર્યાયવાળો છે. નિશ્ચયનયથી સર્વથા શુદ્ધ છે જોકે અનાદિકાળથી પરભાવમાં લુબ્ધ બન્યો છે. સ્વભાવભ્રષ્ટ થયો છે. તેના કારણે અશુદ્ધપરિણતિવાળો બન્યો છું.
તો પણ હરણીઓના ટોળામાં ભળેલા બાલસિંહની જેમ હું મારી મૂલજાતિથી મૂલ ધર્મે કરીને અનંતજ્ઞાનાદિ ગુણમયવૃત્તિવાળો છું, શુદ્ધ દ્રવ્ય છું, નિષ્કલંક, નિરામય, નિઃસંગી, નિર્દોષી છું. મારામાં આવેલા સર્વ અહંકાર અને મમકાર રૂપ પરભાવદશા તે મારાથી પર છે. મારૂં મૂલ સ્વરૂપ નથી. હું મૂલસ્વરૂપે આવા દોષોથી રહિત પ્રકૃતિવાળો સિદ્ધ સમાન શુદ્ધ આત્મદ્રવ્ય છું. | સર્વભાવોને જાણવા - પરિચ્છેદન કરવા એ સ્વરૂપ જ્ઞાન ઉપયોગ વાળો તથા દર્શનોપયોગવાળો હું ચેતનદ્રવ્ય છું.આવા મારા મૂલસ્વરૂપમાં રહ્યો છતો પરોપાધિરૂપ સર્વ બાહ્યભાવોનો ક્ષય કરું, અને સર્વ પરભાવોનું વિરમણ કરી સ્વકીય શુદ્ધસ્વરૂપને ગ્રહણ કરી મારા આત્માનો જે મૂલધર્મ છે સહજાનંદીપણું છે. તે પ્રગટ કરૂં || ૬ || માહરૂ પૂણનિન્દ, પ્રગટ કરવા ભણી રે, પ્રગટ કરવા ભણી રે ! પુષ્ટાલંબનરૂપ, સેવ પ્રભુજી તણી રે, સેવ પ્રભુજી તણી રે ! દેવચંદ્ર જિનચંદ્ર, ભક્તિ મનમેં ધરો રે, ભક્તિ મનમાં ધરો રે અવ્યાબાધ અનંત, અક્ષય પદ આદરો રે,
અક્ષય પદ આદરો રે II ૦ ||
