________________
૪૨
પૂજ્ય શ્રી ચિદાનંદજી મહારાજશ્રી કૃત ઈન્દ્રિયોના ભોગોને ભોગવે છે. કેટલાક સુખપૂર્વક શય્યામાં સુતા સુતા આનંદ ચમન કરે છે અને કેટલાક ભૂખ્યા અને તરસ્યા બહાર ઓટલા ઉપર પડ્યા હોય છે અને કેટલાક ભીખ માગતા ગલી ગલીમાં રખડતા હોય છે અને રોતા હોય છે. II૬૧-૬૨ા
ભાવાર્થ :- પુદ્ગલના ભોગ-ઉપભોગમાં અંજાયેલા જીવો મોહમાં અન્ય બન્યા છતા નવાં નવાં કપડાં પહેરીને તથા નવા નવા દાગીના પહેરીને મલકાતા મલકાતા ફુલાતા ફુલાતા હાલે છે ચાલે છે અને મોટાઈમાં આવી જઈને મોટા બોલ બોલે છે. કપડાં અને દાગીનાની શોભાના જોરે પોતાની જાતને રાજા-મહારાજા માને છે. કેટલાક જીવો પોતાના શરીરની કપડાંની અને દાગીનાની શોભાને ટગમગ ટગમગ રીતે નીરખ્યા જ કરે છે. તેના રૂપરંગમાં અતિશય મોહાન્ધ બને છે તથા આવી પૌદ્ગલિક શોભામાં મોહાન્ધ બનીને એવા વિકારી અને વિલાસી બની જાય છે કે હર્ષના અતિરેકમાં આંખો પણ ખોલતા નથી.
તથા કેટલાક રાજા પાઠમાં આવ્યા છતા મનગમતા ભોગો ભોગવે છે. પરસ્ત્રી આદિના વ્યવહારો પણ કરે છે. તથા પુદ્ગલો દ્વારા કરાયેલી શરીરની શોભામાં અંજાઈને મનગમતી સુખ શય્યામાં પાકી નિદ્રા લે છે અને કેટલાક જીવો કે જેઓ પાપના ઉદયવાળા છે તેવા જીવો પાપના ઉદયના કારણે આર્થિક સ્થિતિ જેની ઓછી છે તેવા જીવો આર્થિક સ્થિતિ નબળી હોવા છતાં મોહદશા તીવ્ર હોવાથી આવા પ્રકારના પૌદ્ગલિક સુખના રસિયા બન્યા છતા પુણ્યોદય ન હોવાથી તેવી ઈચ્છાઓની પૂર્તિ ન થવાના કારણે બિચારા તથા લાચાર સ્થિતિ વાળા થયા છતા ભૂખ્યા અને તરસ્યા રહે છે. ઘર ન હોવાથી બહાર કોઈની દુકાનોના ઓટલા ઉપર ઊંઘે છે તથા આહાર-વસ્ત્રાદિ માટે ગલી ગલીમાં ભટકે છે. છતાં વસ્તુ ન મળવાથી પેટનો ખાડો ન પુરાવાથી રડે છે. પુદ્ગલાનંદી જીવોની આવી દશા છે. એમ જ્ઞાની ભગવંતો જણાવે છે.
૬૧-૬૨ા
