________________
જીવનની સફળતાની ચાવી -સમાધિમરણ
. આ.વિજય હેમચન્દ્રસૂરિજી
માગ-વ-૧૧. નંદનવન જીવનનો છેલ્લો સરવાળો છે મરણ.
એના ઉપર જ જીવનની સફળતા કે નિષ્ફળતાનો આધાર છે. જીવન ગમે તેટલું સારું વીત્યું હોય પણ છેલ્લે જો સમાધિમરણની પ્રાપ્તિ ન થઈ તો સમજવાનું કે જીવનની બાજી હારી ગયા અને જીવન કદાચ તેવું આરાધનાસાધનામય ન પણ વીત્યું હોય છતાં છેલ્લે જો સમાધિમરણની પ્રાપ્તિ થઈ ગઈ તો ચોક્કસ સમજવાનું કે જીવનની બાજી જીતી ગયા.
ઘણો મહિમા ગાવામાં આવ્યો છે જૈન શાસનમાં આવા સમાધિમરણનો. એટલા માટે તો પ્રાર્થનાસૂત્રમાં ભગવાનની આગળ એની માંગણી કરવામાં આવી છે.
છુટક છુટક તો અનેક ગ્રંથોમાં એનું નિરૂપણ મળે જ છે પણ “સમાધિમરણ-પ્રકીર્ણક તો ખાસ એ માટેનો આગવો ગ્રંથ છે. એનો સ્વાધ્યાય વાચન/મનન કરનારને અચુક સમાધિમરણની પ્રાપ્તિ થયા વિના રહેતી નથી. શ્રી અરુણાબેન લઠ્ઠાએ વર્ષોના પરિશ્રમ દ્વારા એના ઉપર મહાનિબંધ લખ્યો અને આજે તેના સારભૂત લખાણના સંગ્રહરૂપ પુસ્તક પ્રકાશિત થઈ રહ્યું છે. એ આનંદની વાત છે. જે નિષ્ઠાભર્યા પુરુષાર્થનું આવું સુંદર મજાનું ફળ તેમણે મેળવ્યું છે તે જ રીતે તેઓ પોતાની જ્ઞાનયાત્રાને આગળ ને આગળ વિકસાવતા રહે એવા અંતરના આશિર્વાદ.
