Page Text
________________
પ્રા. ઉપદેશમાલાનો ગૂર્જરાનુવાદ
૪૦૭
લેવાની હોવાથી ગામે ગામ અને તીર્થે તીર્થે જઈ ચૈત્યોને વંદન અને યાત્રાઓ કરીએ છીએ. દીક્ષા લીધા પછી પઠનાદિ કાર્યમાં વિક્ષેપ થાય, તેથી તીર્થયાત્રાઓ કરી શકાતી નથી.’
અભયને તે શ્રાવિકાઓ પ્રત્યે અતિશય સાધર્મિક ભક્તિ-ભાવ ઉત્પન્ન થયો અને કહ્યું કે, ‘આજે તો તમે અમારા પરોણા થાવ. ત્યારે જવાબ આપ્યો કે, આજે તો અમારે કલ્યાણકનો ઉપવાસ છે. ત્યારપછી લાંબો સમય બેસી મધુરી વાતો કરીને પોતાના સ્થાનકે ચાલી ગઇ. અભય તેમના ગુણોથી પ્રભાવિત થયો, બીજા દિવસે અભયકુમાર પ્રાતઃકાળે ઘોડા ઉપર આરૂઢ થઈને એકલો જ તેમની સમીપે ગયો. કહ્યું કે, મારે ઘરે આવીને પારણું કરો, ત્યારે તઆંએ અભયને કહ્યું કે, ‘તમે જ અહિં પારણું કરો.' અભય વિચારવા લાગ્યો કે, ‘જો હું અહિં નહિ વાપરીશ, તો તેઓ નક્કી મારે ત્યાં નહિં આવશે.' એમ ધરીને તેમના આગ્રહથી ત્યાં ભોજન કર્યું. તે સમયે આ ગણિકાઓએ જેનાથી ભાન ભૂલી જવાય, અનેક દ્રવ્યો જેમાં એકઠાં કરેલાં છે, એવું મદિરાપાન કરાવ્યું. ઉંઘી ગયો, એટલે અશ્વો જોડેલા રથમાં જલ્દી પલાયન કરાવ્યો. બીજા પણ ઘણા રથો થોડા થોડા ગાઉના આંતરે સ્થાપન કરેલા હતા. એમ ૨થ-પરંપરાથી ઉજ્જૈણીમાં અભયને લાવીને ગણિકાએ સ્વામીને અર્પણ કર્યાં. તેને અભયે કહ્યું કે, ‘આમાં તમારું પાંડિત્ય કયું ગણાય કે, ધર્મનો છલ-પ્રપંચ કરીને અતિશય મહામાયા કરીને મને ઠગ્યો, તેવી માયાથી તો જગત ઠગાઈ રહેલું જ છે. જે માટે કહેવાય છે કે-"જે અમાનુષી-જાનવરની જાતવાળી એવી સ્ત્રીઓને વગર શીખવે પણ ચતુરાઇ દેખાય છે, તો પછી જે ભણાવેલી, કેળવેલી, પ્રતિબોધેલી હોય, તે માટે તો વધારે શું કહેવું ? કોયલ સ્ત્રીઓ આકાશમાં ઉડવા પહેલાં પોતાનાં બચ્ચાઓને (કાગડી) બીજા પક્ષીઓની સાથે પોષવા માટે રાખે છે, જ્યાં તે પોષાય છે.
સંકટના સમયમાં પોતાની નવી મતિને ચીકણી બનાવનારી મહિલા સ્વભાવથી જ ચાણક્યના વક્ર-છેતરવાના ભાવથી ચડિયાતી છે. હરિએ કામિની (મોહિની) નું રૂપ કરીને ગૌરીનું હરણ કરનારને હ૨ (મહાદેવ) ની કરુણાથી બાળ્યો હતો. તેના સરખી સ્ત્રીઓ હોય છે, તો શું કહીએ ? આ પ્રમાણે કપટથી અને તે પણ ધરમકપટથી લાવવામાં તમારી પંડિતાઇ ખુલ્લી થાય છે, તે વગેરે અભયે કહ્યું. ત્યારપછી તેઓએ અભયને તેવા તેવા વચનથી બાંધી લીધો કે, જેથી પોતાના રાજ્યમાં જવા માટે એક ડગલું પણ ન ભરી શકે.
શ્રેણિકની ભાણેજ અને વિદ્યાધરપુત્રી જેનાં લગ્ન પૂર્વે અભય સાથે થએલાં હતાં, તે અત્યારે શિવાદેવી પાસે તેનાં વિધિ-વિધાન સાચવવા રહેલી હતી. કોઈક શોકયોએ તેના ઉપર ખોટાં આળ ચડાવવાથી કાઢી મૂકેલી, જેથી ત્યાં શિવાદેવી પાસે રહેલી હતી. હવે શંકા દૂર થવાથી અભયકુમાર તેની સાથે ઘણા લાંબા સમય સુધી રહેલો છે.
| SR No. | 023128 |
| Book Title | Updeshmala Doghatti Bhavanuvad |
| Original Sutra Author | N/A |
| Author | Ratnatrayvijay |
| Publisher | Ranjanvijay Jain Pustakalay |
| Publication Year | 2013 |
| Total Pages | 664 |
| Language | Gujarati |
| Classification | Book_Gujarati |
| File Size | 19 MB |