Page Text
________________
પ્રા. ઉપદેશમાલાનો ગૂર્જરાનુવાદ
૩૦૩ કમળમાં આવી સુખ-પૂર્વક વંદના કરી. ત્યારપછી આચાર્ય ભગવંતે એક મુનિયુગલને નગરમાં સાધુઓને ઉતરવા યોગ્ય વસતિની તપાસ કરવા માટે મોકલ્યા.
સામંત, મંત્રી, સાર્થવાહને ત્યાં વસતિની તપાસ કરતા ભદ્રા નામની સાર્થવાહીને ત્યાં ગયા અને આચાર્ય ભગવંતે અમને મોકલ્યા છે, તો વસતિ આપો. તેણે મોટા પ્રમાણવાળું સાધુને ઉતરવા સ્થાન આપ્યું. આર્ય સુહસ્તિ સ્વામી તમારા પર ઉપકાર કરશે, માટે તમો તે લાભ લો એમ કહ્યું, એટલે વગર-વપરાશની મોટી યાનશાળા છે. બંને સાધુઓને તે ત્રસ, પ્રાણ, બીજ, પશુ, નપુંસક આદિથી રહિત, ઘણી વિશાળ વસતિ આપીને તે ચાલી ગઈ. ત્યારપછી તે સંઘાટકે આવી સર્વ હકીકત જણાવી એટલે ઉત્તમહસ્તિ જેવી શુભગતિવાળા આર્યસુહસ્તિસૂરિ સર્વ પરિવાર સહિત ભદ્રા શેઠાણીને ઘરે આવ્યા. ઉત્તમ-સંયમ અને શુદ્ધમતિવાળા તેઓએ વસતિની અનુજ્ઞા મેળવી.
સાર્થવાહી ભદ્રા શેઠાણીને કામદેવ સમાન કાંતિવાળો તરુણ તરુણીનો મનને મોહ પમાડનાર જેના યૌવનને દેખીને તેવા શ્રેષ્ઠ મનોહર યૌવનની અભિલાષા કરાવનાર, મહાસરોવરની સેવાલ સમાન અતિશય કોમલ સૌભાગ્યવાળા, જેમ સરોવરમાં કમળ ઉપર ભ્રમરોની શ્રેણી લગાતાર રહેલી શોભે, તેમ મસ્તક પર શ્યામ કેશવાળો, પૂર્ણિમાના ચંદ્ર સરખા મુખવાળો, સ્ફટિક અને દર્પણતલ સરખા ગંડસ્થલ (ગાલ)ની શોભાવાળો, મેરુપર્વતની શિલા સમાન અને કામદેવના નિર્મલ પાસા સમાન વક્ષ:સ્થલવાળો વિશાળ સાથળ અને કટીવાળો નવીન વિકસિત લાલકમળ સરખા હાથપગયુક્ત અવંતિ સુકુમાલ નામનો પુત્ર હતો.
હિમાવાન પર્વત સરખા નિર્મલ અને ઉંચા મંદિરના સાતમા ભૂમિતલપર પોતાની ૩૨ ભાર્યાઓ સાથે દેવલોકમાં દેવ-દેવીઓની જેમ પાંચ ઇન્દ્રિયોનાં મુક્ત રતિસુખની ક્રિીડા કરતો હતો. કોઇક સમયે રાત્રિના પ્રથમ પહોરમાં શ્રી આર્યસુહસ્તિસૂરિજી નલિની ગુલ્મ વિમાન-વિષયક આગમનું અધ્યયન ગુણતા હતા, ત્યારે ગુણાધિક ધીર મહાપુરુષની મધુર વાણી કુમારે સાંભળી, વિચાર કરવા લાગ્યો કે, “આ કોઈ કિન્નર કે તેના કોઇ સેવક હશે કે તુંબરું કુકુને મધુર કંઠ હશે ?” તેના કર્ણપ્રિય સંગીતના શબ્દો સાંભળી ઘણો દુષ્ટ થયો.
અવંતિસુકુમાલ આવો મધુર સ્વર સાંભળીને સાતમી ભૂમિથી છઠી ભૂમિએ નીચે ઉતર્યો. છઠી ભૂમિએ સ્પષ્ટ સંભળાવા લાગ્યું. એક માત્ર શ્રવણેન્દ્રિયના વિષયમાં એકતાન બની ગયો. જેમ જેમ શબ્દો કાનમાં પ્રવેશ કરે છે, તેમ તેમ તેનું હૈયું અને શરીર વિકસિત થાય છે, જેમ જેમ આગમના અર્થોની વિચારણા કરે છે, તેમ તેમ ઉતરીને નીચે નીચેની ભૂમિએ ઉતરી આવે છે, આગમનો અર્થ વિચારતાં જાતિસ્મરણજ્ઞાન ઉત્પન્ન થાય છે અને
| SR No. | 023128 |
| Book Title | Updeshmala Doghatti Bhavanuvad |
| Original Sutra Author | N/A |
| Author | Ratnatrayvijay |
| Publisher | Ranjanvijay Jain Pustakalay |
| Publication Year | 2013 |
| Total Pages | 664 |
| Language | Gujarati |
| Classification | Book_Gujarati |
| File Size | 19 MB |