Page Text
________________
પ્રા. ઉપદેશમાલાનો ગૂર્જરાનુવાદ
૧૨૯ કુચેષ્ટા દેખવાથી તેને તાડન કરી પોતાના ઘરમાંથી હાંકી કાઢચો. તે દુષ્ટ નોકર અતિક્રોધ પામ્યો અને ચોરોને મળ્યો.
ચારે બાજુ ઘોર અંધકારમાં પહોંચેલ ઘુવડ સુખી થાય છે, દુષ્ટ માણસ દુષ્ટોના વનમાં જાય, તો પ્રતિષ્ઠા પ્રાપ્ત કરે છે. પેલી બ્રાહ્મણપુત્રી યૌવન વય ન પામવા છતાં અસતીઓમાં અગ્રેસરપણું ધારણ કરનાર બની. માતા-પિતાએ તેને તજી દીધી એટલે રખડતી રખડતી તે એક ગામમાં પહોંચી. તે ગામમાં પેલા પાંચસો ચોરો ધાડ પાડીને આખું ગામ લૂંટી ગયા. પેલી પણ તે ચોરો સાથે ગઈ. તે પાંચસો ચોરોને આ એક જ સ્ત્રી છે, તેઓની સાથે ભોગ ભોગવતી અતિશય હર્ષ પામે છે, ફરી ભોગવે, તો પણ તૃપ્તિ થતી નથી. જો સમુદ્ર જળથી અને અગ્નિ લાકડા-ઇન્વણાંથી તૃપ્તિ પામે છે, બીજા બીજા પુરુષોને તૃપ્તિ થાય છે, પરંતુ આ વિષયમાં સ્ત્રીઓ તૃપ્તિ પામતી નથી. આ ચોરો સાથે ફરે છે, જેમ મ્લેચ્છોની ઘંટી બીજા બીજા અન્નને દળે છે, તેમ આ તરુણ કામિની સ્ત્રી પણ તે ગતિ પામેલી છે. કોઇ વખત ચોરો ધાડ પાડવા માટે ગયા, ત્યાંથી એક બીજી સ્ત્રી એટલા માટે લાવ્યા કે, બિચારી આ એકલી સર્વ સાથે ઘણી થાકી જાય, તેને રાહત આપવા માટે અને સહાય કરવા માટે કામ લાગે. (૧૫૦) પરંતુ આ ઇર્ષ્યાલ સ્ત્રી તેને શોક્ય ગણવા લાગી અને પોતાના કામસુખમાં ભાગ પડાવનારી છે, તેથી તેને અહિં ઘરવાસ કરવા દેતી નથી, તેનાં છિદ્રો ખોળે છે અને મરકી માફક મારી નાખવા ઇચ્છા કરે છે.
જ્યારે સર્વ ચોરો ધાડ પાડવા ગયા, ત્યારે બંને પાણી ભરવા ઘણે દૂર ગયા, તેને પેલીએ કહ્યું કે, “આ કુવાના તળિયામાં શું દેખાય છે ? હે અલી આગળ જઇને અંદર નિરીક્ષણ કરપેલી જેવી જોવા ગઈ કે, તરત પેલીએ ધક્કો મારી અંધારા કૂવામાં બિચારીને ફેંકી. પાછા આવેલા તેઓ પૂછવા લાગ્યા કે તારી નાની બહેન ક્યાં ગઈ ? તે જલ્દી કહે, અતિશય ક્રોધ કરવા પૂર્વક તે કહેવા લાગી કે, “તમે તેની તપાસ કેમ નથી કરતા ?” ઇંગિત આકાર જાણવામાં કુશળ તેઓ સમજી ગયા કે જરૂર આણે જ તેને મારી નાખી જણાય છે.
ત્યારપછી તે નાનો ચોર હતો, તેણે વિશુદ્ધ ચિત્તથી વિચાર્યું કે, “હું માનું છું કે, આ પેલા બ્રાહ્મણની પુત્રી અથવા પત્ની હોવી જોઇએ. કારણ કે બાલા હતી, ત્યારે પણ સુવર્ણ સરખી સુંદર કાયાવાળી હતી અરેરે ! હે નિર્ભાગી ! આ તને કામનો ઉન્માદ કોઈ નવી જાતનો ઉત્પન્ન થયો લાગે છે ? આટલા આટલા પુરુષોથી પણ હજુ તને તૃપ્તિ થતી નથી ? અથવા આ કોઈ વેશ્યા છે, અથવા બીજી કોઇ પાપિણી છે, આવી પાપિણી સ્ત્રીથી સર્વથા સર્યું. પરંતુ કૌશાંબી નગરીમાં જઈને જેમને સમગ્ર અર્થ પ્રગટ છે, એવા વીર ભગવંતને
| SR No. | 023128 |
| Book Title | Updeshmala Doghatti Bhavanuvad |
| Original Sutra Author | N/A |
| Author | Ratnatrayvijay |
| Publisher | Ranjanvijay Jain Pustakalay |
| Publication Year | 2013 |
| Total Pages | 664 |
| Language | Gujarati |
| Classification | Book_Gujarati |
| File Size | 19 MB |