________________
रायपसेणियसुत्त अभिसेयसभाओ पुरच्छिमिल्लेणं दारेणं निगच्छइ । २ जेणेव अलंकारियसहा तेणेव उवागच्छइ, २ अलंकारियसभं अणुपयाहिणी करेमाणे, २ अलंकारियसभं पुरच्छिमिल्लेणं दारेणं अगुपविसइ । २ जेणेव सीहासणे तेणेव उवागच्छइ, सीहास. णवरगए पुरत्थाभिमुहे सन्निसण्णे । तए णं तस्स सूरियाभस्स देवस्स सामाणियपरिसेविवन्नगा अलंकारियभंड उवट्ठति । तए णं से सूरियाभे देवे तप्पढमयाए पम्हलसुमालाए सुरभीए गंधकासाइए गायाइं लूहेइ। २ सरसेणं गासीसचंदणेणं गायाई अगुलिंपइ। २ नासानीसासवायवाझं चक्खुहरं वण्णफरिसजुत्तं हयलालापेलवातिरेगं धवलं कणगखचियंतकम्म आगासफालियसमप्पभं दिव्वं देवदृसजुयलं नियंसेइ । २ हारं पिणद्धेइ, २ अद्ध. हारं पिणद्धइ, २ एगावलि पिणद्धेइ,२ मुत्तावलि पिणद्धइ, २ रयणावलिं पिणद्धेइ,२ एवं अंगयाइं केयूराइं कडगाई तुडियाई कडिसुत्तग दसमुदाणंतग वत्थसुत्तगं मुरविं पालंब कुंडलाइं चूडामणि मउडं पिणद्धेइ। २ गंथिमवेढिमपूरिमसंघाइमेणं चउविहेणं मल्लेण कप्परुक्खगं पिव अप्पाणं अलंकियविभूसियं करेइ । २ दद्दरमलयसुगंधगंधिएहिं गायाई भुखंडेइ, दिव्वं च सुमणदाम पिणद्धेइ।
४३ तए णं से सूरियाभे देवे केसालंकारेण मल्लालंकारेण आभरणालंकारेण वत्थालंकारेण चविहेण अलंकारेण अलंकियविभूसिए समाणे पडिपुण्णालंकारे सीहासणाओ अब्भुटेइ । २ अलंकारियसभाओ पुरच्छिमिल्लेणं दारेणं पडिनिक्खमइ । २ जेणेव ववसायसभा तेणेव उवागच्छइ, ववसायसभं अणुपयाहिणीकरेमाणे २ पुरच्छिमिल्लेणं दारेणं अणुपविसइ, २ जेणेव सीहासणवरगए जाव सन्निसण्णे । तप णं तस्स सूरियाभस्स
