________________
૧૩૮
પડશતિ નામા ચતુર્થ કર્મગ્રંથ ૧ યોગ જાણવા. અને અનંતાનુબંધીનો ઉદય હોય ત્યારે ૧૩ યોગમાંથી ૧ યોગ જાણવો.
જઘન્યથી જે ૧૦ બંધ હેતુ જણાવ્યા, તેમાં ૧ કાયવધને બદલે બેકાયવધ હોય તો ૧૧ બંધહેતુ, બે કાયના વધને બદલે ૧ કાય અને ભય, અથવા ૧ કાય અને જુગુપ્સા અથવા ૧ કાય અને અનંતાનુબંધી હોય તો પણ ૧૧ બંધહેતુ થાય છે. આ પ્રમાણે ૧૧ના બંધહેતુ પહેલા ગુણઠાણે હોય છે. આ રીતે મધ્યમથી ૧૧, ૧૨, ૧૩, ૧૪, ૧૫, ૧૬, ૧૭, અને ઉત્કૃષ્ટથી એક જીવને ૧૮ બંધહેતુ પહેલા ગુણઠાણે હોય છે.
મિથ્યાત્વ ગુણસ્થાનકે બંધહેતુના ભાંગા મિથ્યાત્વ ગુણમાં મૂળ બંધ હેતુ ચાર, ઉત્તરભેદ ૫૫ હોય, તેમાં એક જીવને એક સાથે જઘન્યથી ૧૦ બંધ હેતુ હોય, ઉત્કૃષ્ટથી ૧૮ બંધ હેતુ હોય, અને મધ્યમથી ૧૧થી ૧૭ સુધીના બંધ હેતુ હોય.
તેમાં જઘન્યથી ૧૦ બંધ હેતુના ૩૬૦૦૦ ભાંગા (વિકલ્પો) થાય. અને મધ્યમથી ૧૧ હેતુના ચાર રીતે વિકલ્પ કરવાથી તેની ભાંગાની સંખ્યા ભિન્ન ભિન્ન થાય, તેની તથા ૧૨ વગેરે બંધહેતુના વિકલ્પ અને તેના ભાંગાની સંખ્યા નીચે યંત્રમાં આપેલ છે. તે સંખ્યા લાવવાની સરળ રીત આ પ્રમાણે છે. તેમાં પ્રથમ દશ બંધ હેતુનું વર્ણન અને અન્ય સંખ્યાવાળા હેતુના ભાંગા લાવવા માટે આ પ્રમાણે કરણ વિધિ કરવો.
દશ બંધ હેતુ :(૧) પાંચ મિથ્યાત્વમાંથી કોઈપણ એક મિથ્યાત્વ હોય માટે તેના
ભાંગા પ જાણવા. ગુણાકારમાં ૫ ની સંખ્યાનો વિકલ્પ જાણવો અગ્યાર વગેરેમાં પણ એક સાથે એક જ મિથ્યાત્વ જાણવું. પાંચ ઇન્દ્રિયના અનિગ્રહમાંથી એક ઇન્દ્રિયનો અનિગ્રહ જાણવો, જો કે કોઈપણ બે-ત્રણ આદિ ઇન્દ્રિયો પોતાના વિષયમાં સાથે પ્રવર્તતી હોય, જેમ ખાતા-ખાતા ટી.વી. જુવે ગીત સાંભળે, અનુકૂળ કે પ્રતિકૂળ હવા મળતી હોય, ખાવામાં સ્વાદિષ્ટ વસ્તુની મેલ (સુગંધ) આવે. આ રીતે પાંચે
