________________
12
छसु लेसासु सठाणं, एगिंदि असन्निभूदगवणे । पढमा चउरो तिन्नि उ, नारयविगलग्गिपवणेसु ॥ ३६ ॥ अहक्खायसुहुमकेवल-दुगि सुक्का छावि सेसठाणेसु । नरनिरयदेवतिरिया, थोवा दु असंखणंतगुणा ॥ ३७ ॥ पण चउति दु एगिंदी, थोवा तिन्नि अहिआ अणंतगुणा । तस थोव असंखग्गी, भूजलनिलअहियवणणंता ॥ ३८ ॥ मणवयणकायजोगी, थोवा असंखगुण अणंतगुणा । पुरिसा थोवा इत्थी, संखगुणाणंतगुण कीवा ॥ ३९ ॥ माणी कोही माई लोभी अहिय मणनाणिणो थोवा । ओहि असंखा मइसुय, अहिअ सम असंख विब्भंगा ॥ ४० ॥ केवलिणो णंतगुणा, मइसुयअन्नाणि णंतगुण तुल्ला । सुहुमा थोवा परिहार, संख अहक्खाय संखगुणा ॥ ४१ ॥ छेय समइय संखा, देस असंखगुण णंतगुणा अजया । थोव असंख दुणंता, ओहि नयण केवल अचक्खु ॥ ४२ ॥ पच्छाणुपुव्वि लेसा, थोवा दो संख णंत दो अहिया । अभवियर थोव णंता, सासण थोवोवसम संखा ॥ ४३ ॥ मीसा संखा वेग, असंखगुण खइय मिच्छ दु अनंता । सन्नियर थोव णंता, णहार थोवेयर असंखा ॥ ४४ ॥ सव्वजिअट्ठाण मिच्छे, सग सासणि पण अपज्ज सन्निदुगं । सम्मे सन्नी दुविहो, सेसेसुं सन्निपज्जत्तो ॥ ४५॥ मिच्छदुगि अजइजोगाहारदुगूणा अपुव्वपणगे उ । मणवइउरलं सविउव्व, मीसि सविउव्वदुग देसे ॥ ४६ ॥ साहारदुग पमत्ते, ते विउव्वाहार मीस विणु इयरे । कम्मुरलदुगंताइममणवयण सजोगि न अजोगी ॥ ४७ ॥ तिअनाण दुदंसाइमदुगे अजइ देसि नाणदंसणतिगं ॥ ते मीसि मीसा समणा जयाइ केवलदुअंतदुगे ॥ ४८ ॥
