________________
૨૬૨
ચતુર્થસ્તુતિકુયુક્તિનિર્ણયછેદનકુઠાર अट्ठसहस्स लक्खणोववन्नसरीरपरीसहोवसग्गासहणाइ किरियानाणाइ गुणवन्नणा-कलियं पावनिवेयणगब्भं पणिहाणसारं विचित्तसद्दत्थं पवरथुत्तं भणित्ता मुत्तासुत्तीमुद्दाए जयवीयराय इच्चाइ पणिहाणगाहादुगं पढइ तओ आयरियाई वंदिज्जंति इत्थ पक्खे दंडगापंच थुईओं चत्तारि एएण जुयलेण मज्झमत्ति नेयं ॥ चत्तारि अंगुलाई, पुरओ ऊणाइं जत्थ पच्छिमउ । पायाणमंतरालं, एसा पुण होइ जिणमुद्दा ॥१॥ अन्नोन्नंतरिअंगुलि, कोसागारेहिं दोहिं हत्थेहिं । पिट्टोवरिकुप्पर संठिएहिं तह जोगमुद्दत्ति ॥२॥ मुत्तासुत्तीमुद्दा, समाजहिं दोवि गब्भिया हत्था । ते पुण निलाडदेसे, लग्गा अन्ने अलग्गत्ति ॥३॥
एसा विमज्झिमा चीवंदणा उक्कोसा सक्कत्थयपणगेण तं चेवं पढमं सिलोगाइरूवो नमोक्कारे भणित्ता सक्कत्थयं भणिय उट्ठिय इरियावहियं पडिक्कमिय पूव्वं व नमोक्कारे सक्कथयं च भणिय उट्ठिय अरिहंतचेईयाणं इच्चाइ दंडगेहिं चउरो थुईओ दाउं पुण सक्कत्थयं भणिय उट्ठिय अरिहंतचेइयाणं इच्चाइ दंडगेहिं पुणरवि चउरो थुईउ दाउं पुणो सक्कत्थयं भणिय जावंति चेइयाइं इच्चाइगाहादुगं भणित्ता नमोऽर्हत्सिद्धा इच्चाइ भणणपव्वं थोत्तं भणिय पुणो सक्कत्थयं पढिय पणिहाणगाहादुगं तहेव भणइ इति चीवंदणविहि छ। एवमन्नयराए चीवंदणाए देवे वंदिय तओ आयरियाईण खमासमण दाऊण देवस्स पुरउ गीयवाइयनट्टाईभावपूयं काऊण दवण वा चेईयवंदणत्थमागए सुविहिए वंदिय सइपच्छा वेतेसिं समीवे धम्मोवएसं सुणिय जिणभवणकज्जाणं देवदव्वस्सयत्ति काऊण धोवत्तियं मुत्तूण सुकयत्थ अप्पाणं मन्नतो पूयासुकयमणुमोइंतो जहोचियं दीणाईण दाणं दितो नियघरमागच्छिज्जा ॥"
