________________
જિનકલ્પી પહેલા સંઘયણ વાળા જ હોય છે, તેથી તેઓ ઉપકરણ વિના પણ દોષો ટાળી શકે છે. હમણાં પ્રથમ સંઘયણ નથી, તેથી જિનકલ્પિક માર્ગનો વિચ્છેદ થયો છે. વળી ઉપકરણ ધારણ કરવામાં કાંઈ પરિગ્રહ કહી શકાતો નથી, પંડિતો મૂછને જ પરિગ્રહ કહે છે, કેમકે મૂછ જ મોક્ષમાં વિઘ્નકર્તા છે, કાંઈ ઉપકરણ વિઘ્ન કરી શકતાં નથી પણ તેની મૂચ્છ વિઘ્નકર્તા છે.”
એ રીતે ગુરુએ તેને અનેક પ્રકારે સમજાવ્યો તો પણ તે સમજો નહીં. અને વસ્ત્ર વગેરેનો ત્યાગ કરી એકલો વનમાં ગયો. ત્યાં તેની બહેન ઉત્તરા નામની સાધ્વી તેને વાંદવા માટે ગઈ. ત્યારે તેને વસ્ત્ર રહિત જોઈ તેણીએ પણ વસ્ત્રાદિકનો ત્યાગ કર્યો. એકદા તેની સાથે ભિક્ષા માટે તે પણ નગરમાં ચાલી. તેને પોતાની બારીમાં ઉભેલી એક વેશ્યાએ જોઈ. તેથી તે વેશ્યાએ વિચાર કર્યો કે- “આ સ્ત્રીને વસ્ત્ર રહિત જોવાથી લોકો સ્ત્રીઓથી વૈરાગ્ય પામશે. (એટલે અમને હાનિ થશે.)” એમ ધારી વેશ્યાએ તેના શરીર પર એક સાડી ઉપરથી નાંખી, તો પણ ઉત્તરાએ તેની ઇચ્છા ન કરી, ત્યારે શિવભૂતિએ તેણીને કહ્યું કે-“આ શાટિકા દેવતાએ આપી છે, માટે તેને દૂર ન કર.” આ પ્રમાણે ભાઈના વચનથી તેણે તે સાડી શરીર પર ધારણ કરી. તે શિવભૂતિને કોડિન્સ અને કોર્ટુવીર નામના બે બુદ્ધિમાન શિષ્યો હતા, તેમનાથી આ બોટિક મતની પરંપરા ચાલી. આ રીતે આઠમો નિહ્નવ દિગંબર થયો. તેણે પ્રથમ શુદ્ધ બોધ મેળવ્યો હતો, પણ પાછળથી હારી ગયો, તેથી પ્રાપ્ત થયેલી બોધિનું રક્ષણ કરવા માટે ભવ્ય પ્રાણીઓએ યત્ન કરવો. ૮.
હવે પૂર્વે કહેલું મનુષ્યપણું, શાસશ્રવણ અને ધર્મશ્રદ્ધા એ ત્રણે પ્રાપ્ત થયા છતાં પણ સંયમને વિષે વીર્ય-પરાક્રમ ફોરવવું અતિ દુર્લભ છે. તે કહે છે –
सुइं च लद्धं सद्धं च, वीरियं पुण दुल्लहं । बहवे रोयमाणा वि, नो य णं पडिवज्जए ॥१०॥ અર્થ : શ્રુતિને એટલે ધર્મના શ્રવણને તથા મનુષ્યપણાને તથા ધર્મની
