________________
૬૪
આ રીતે કદાચ મનુષ્યભવ પ્રાપ્ત થાય, તો પણ ધર્મનું શ્રવણ દુર્લભ છે તે ઉપર કહે છે –
माणुस्सं विग्गहं लद्धं, सुई धम्मस्स दुल्लहा । जं सोच्चा पडिवज्जंति, तवं खंतिमहिंसयं ॥८॥
અર્થ : મનુષ્યભવ સંબંધી શરીરને પામીને પણ ધર્મનું શ્રવણ કરવું તે દુર્લભ છે. કે જે ધર્મને સાંભળીને અનશનાદિક બાર પ્રકારના તપને, તથા ક્રોધના નાશરૂપ ક્ષમાને, ઉપલક્ષણથી માનાદિકના ત્યાગરૂપ માર્દવાદિકને, તથા અહિંસકપણાને, આ પ્રથમ વ્રતના ઉપલક્ષણથી સત્ય વગેરે બીજાં ચાર વ્રતોને ભવ્ય જીવો અંગીકાર કરે છે. તપ/ક્ષમા અને અહિંસાનાં ઉલ્લેખથી અહીં તપ એક, ક્ષમા વગેરે ચાર અને મહાવ્રતો પાંચ એમ દશ પ્રકારનો યતિધર્મ છે કહ્યું. ૮.
ધર્મશ્રવણ પ્રાપ્ત થયા છતાં પણ તે પર શ્રદ્ધા થવી દુર્લભ છે. તે બતાવે છે –
आहच्च सवणं लद्धं, सद्धा परमदुल्लहा । सोच्चा नेयाउयं मग्गं, बहवे परिभस्सई ॥९॥
અર્થ : કદાચિત ધર્મનું શ્રવણ તથા મનુષ્યભવ પામીને પણ ધર્મપર રુચિ થવી તે અત્યંત દુર્લભ છે. કેમ અત્યંત દુર્લભ છે? તે કહે છે કારણ કે ન્યાયયુક્ત સમ્યગ્દર્શનાદિક માર્ગને સાંભળીને ઘણા જીવો જમાલિ વગેરે નિcવોની જેમ તે ન્યાયમાર્ગથી ભ્રષ્ટ થાય છે. અર્થાત્ જે પ્રાપ્ત થાય તો પણ જતું રહે છે. તે ચિંતામણિની જેમ અત્યંત દુર્લભ જ હોય છે. ૯.
અહીં જમાલિ વગેરે સાત નિદ્વવોની કથા કહે છે –
પહેલા નિહ્નવ જમાલિની કથા શ્રીકુંડપુર નગરમાં શ્રીમહાવીરસ્વામીની બહેન સુદર્શનાને પરણાવી હતી, તેને જમાલિ નામે પુત્ર થયો હતો. તે શ્રીમહાવીરસ્વામીની પુત્રી
