________________
૧૬૧
નમસ્કાર છે. ૮૫.
પછી કેશકુમારે કર્યું? તે કહે છે – एवं तु संसए छिन्ने, केसी घोरपरक्कमे । अभिवंदित्ता सिरसा, गोयमं तु महायसं ॥८६॥
અર્થ : આ અનુક્રમે સંશય છેદાવાથી એટલે સર્વ સંશયો છેદાવાથી ઘોર પરાક્રમવાળા કેશીકુમારે મહાયશવાળા ગૌતમગણધરને મસ્તક વડે વંદના કરીને. ૮૬.
पंचमहव्वयं धम्मं, पडिवज्जइ भावओ । पुरिमस्स पच्छिमम्मि, मग्गे तत्थ सुहावहे ॥८७॥
અર્થ : ભાવથી પ્રથમ જિનેશ્વરે માનેલા–પ્રથમ જિનેશ્વરે પણ પ્રવર્તાવેલા એવા તે સુખકારક છેલ્લા તીર્થકરના પ્રવર્તાવેલા માર્ગમાં–તીર્થમાં ધર્મને અંગીકાર કર્યો. ૮૭.
હવે અધ્યયન અંતે મહાપુરુષના સંગનું ફળ કહે છે – केसीगोयमओ निच्चं, तम्मि आसि समागमे । सुयसीलसमुक्करिसो, महत्थऽत्थविणिच्छओ ॥८८॥
અર્થ : તે નગરીમાં હંમેશાં કેશીકુમાર અને ગૌતમસ્વામી દ્વારા સમાગમ થયા કર્યો, તેથી શ્રુત અને શીલનો એટલે જ્ઞાન અને ચારિત્રનો ઉત્કર્ષ થયો તથા મહાર્થ એટલે મુક્તિનાં સાધન હોવાથી મહાપ્રયોજનવાળા શિક્ષા અને વ્રત વગેરે અર્થોનો નિશ્ચય પણ થયો-શિક્ષા, વ્રત અને તત્ત્વો વગેરે પદાર્થોનો નિશ્ચય થયો.
અહીં કેશીકુમાર તથા ગૌતમસ્વામીને તો અર્થનો નિશ્ચય હતો જ. પણ તેમના શિષ્યોને અર્થનિશ્ચય થયો એમ જાણવાનું છે. ૮૮.
