________________
૧૫
તેમને પણ શંકા હતી ? શી ? : હા. કર્મ છે કે નહીં ? જીવ-શરીર એક જ છે કે ભિન્ન ?
તે શંકાઓ પણ ભગવાનથી દૂર થઈ? : હા. બંનેને ભગવાનથી જ શંકાઓનું નિવારણ થયું અને પ્રવજયા અંગીકાર કરી.
બંનેને કેટલા શિષ્યો? : દરેકને ૫૦૦-૫૦૦ શિષ્ય હતા, અને સર્વ શિષ્યો સાથે જ દીક્ષિત થયા.
એમ ત્રણ ભાઈઓ, ત્રણે ગણધરો, ત્રણેને એક-એક શંકા, ત્રણેને ૫૦૦-૫૦૦ શિષ્યો, ત્રણેના ગુરુ ભગવાન મહાવીર એક જ.
આવા જ જ્ઞાનધારક, પ્રથમ ગણધર, લબ્ધિવંત, જેને દીક્ષા આપે તે કેવળજ્ઞાન પામે, સર્વના ગુરુને પણ પ્રભુ “મા સમય ગોયમ પમાયએ” ગૌતમ, એક સમય પણ પ્રમાદ કરીશ નહીં-એમ કહેતા, ને વિનયવંત ગુરુ ગૌતમસ્વામી તેને આવકારતા, સ્વીકારમાં પ્રફુલ્લ બનતા.
અનંત લબ્લિનિધાન ગુરુ ગૌતમે લબ્ધિનો ઉપયોગ કેટલી વખત કર્યો? શા માટે અને ક્યાં કર્યો ? : ફક્ત બે જ વખત. મોક્ષ જવાની તાલાવેલી હતી. તે ખાતરી કરવા અષ્ટાપદે પહોંચ્યા તે એક વખત અને ખીરને અખૂટ કીધી તે બીજી વખત એમ બે જ વખત લબ્ધિનો ઉપયોગ કર્યો અને કહેવાય છે કે ઉપયોગ તો એક વખત મૂક્યો નથી. ખરા વિનીત !
જેને દીક્ષા આપે તેને કેવળજ્ઞાન થાય તેવી લબ્ધિ બીજા કોઈ ગણધરને હતી ? ના, જાણવામાં નથી આવ્યું. ચોવીસ તીર્થંકર પરમાત્માના ૧૪પર ગણધરો પૈકી બીજા કોઈને આવી લબ્ધિ ન હતી.
આપણે પણ તેઓશ્રી પાસે દીક્ષિત થયા હોત તો કેવળી થઈ મોક્ષસ્થાને હોત....
હસ્તદીક્ષિત : ૫૦,૦૦૦ કેવલી ભગવંત કુલ આયુ : ૯૨ વર્ષ નિર્વાણ ગામ : રાજગૃહી નગર, વૈભારગિરિ
પૂ. મુનિરાજશ્રી પૂર્ણાનન્દસાગરજી મહારાજ
