________________
૧૪
(૭) અને એક વિશેષ...દેવશર્મા વિપ્ર સરળ પરિણામી, ધર્મનો ઇચ્છુક, તેને પ્રતિબોધ કરવા ભગવાનની આજ્ઞાથી ગયા. દેવશર્મા પ્રતિબોધ પામ્યો. પાછા વળતાં પ્રભુના મહાનિર્વાણની વાત જાણી, ખેદ, વેદના, વલવલાટ અને રાગમાંથી વૈરાગ્ય ને વૈરાગ્યથી વીતરાગ, કેવળજ્ઞાન, કેવળદર્શન પામ્યા. દેવોએ મહિમા કર્યો. ત્રિલોક્ય બીજે પરમેષ્ઠિ બીજે, સજ્ઞાન બીજે જિનરાજ બીજે; યજ્ઞામચોક્ત વિદજાતિ સિદ્ધિ, સ ગૌતમો યચ્છતુ વાંછિત મે /' -અષ્ટક.
પંડિત ઇન્દ્રભૂતિ મિથ્યાત્વી કેમ ? : પોતે સર્વજ્ઞ નહીં હોવા છતાં સર્વજ્ઞ કહેવરાવતા હતા.
સર્વજ્ઞ કેમ નહીં? : પોતાને શંકા હતી તે છુપાવતા હતા. સર્વજ્ઞને શંકા હોય નહીં.
શી શંકા હતી? : જીવ છે કે નહીં? તે શંકા હતી. (જીવનું અસ્તિત્વ ન સ્વીકારે તે પણ મિથ્યાત્વ કહેવાય.)
શંકા શા આધારે હતી? : “વેદ-પદનો અર્થ એવો કરે મિથ્થારૂપ રે...' (દિવાળી દેવવંદન સ્તવન). વેદવાકય- “વિજ્ઞાનઘન એવ...' નો અર્થ કરતાં જીવના અસ્તિત્વની શંકા થઈ.
શંકા શી રીતે દૂર થઈ ? : પ્રભુએ તેનો સાચો અર્થ કરી બતાવ્યો. શ્રીમુખે સંશય સામિ સવે ફેડે વેદ પNણ તો.” (શ્રી ગૌતમસ્વામીનો રાસ) અને પછી તો.... માન મેલ્હી મદ ઠેલી કરી, ભક્તિએ નામ શિશ તો; પંચસયાનું વ્રત લીઓએ, ગોયમ પહેલો સીસ તો.” (રાસ-૨૨-૨૩)
અને સાથે જ ગણધરલબ્ધિની પ્રાપ્તિ, સમ્યક્ત્વની પ્રાપ્તિ, દ્વાદશાંગીની રચના વગેરે અને ગુરુ ગૌતમસ્વામી પ્રથમ ગણધર બન્યા.
તેમના ભાઈઓ પણ ગણધર છે? : હા, બંને ભાઈઓ (૧) અગ્નિભૂતિ અને (૨) વાયુભૂતિ અનુક્રમે બીજા-ત્રીજા ગણધર છે.
