Vardhaman Mahavir Ane Indrabhuti Gautam

SR No.: 022842
Original Sutra Author: N/A
Author: Jitendra B Shah
Publisher: Shrutratnakar
Publication Year: 2007
Total Pages: 218
Language: Gujarati
Classification: Book_Gujarati
File Size: 16 MB

Page 124

૧૨૩
સંગમ કરાવ્યો.” પછી રાજાએ તેણીને પૂછ્યું કે–“હે ભદ્રે ! કુલપતિ ક્યાં છે ? તેમને જોવા માટે હું અત્યંત ઉત્સુક છું.” સખીએ કહ્યું કે–“અહીં આવેલા સાધુએ આજે અહીંથી વિહાર કર્યો છે, તેમની સાથે ગયા છે, થોડેક દૂર સુધી જઈ તેમને વંદન કરી હમણાં પાછા આવશે.”
આમ વાત ચાલે છે તેટલામાં અશ્વના પગલાને અનુસરી રાજાનું સૈન્ય આશ્રમ પાસે આવી પહોંચ્યું. તે જોઈ તે બંને કન્યાઓએ “આ. સુવર્ણબાહ રાજા પોતે જ છે' એમ જાણી લીધું. પછી “કુલપતિના આવતાં સુધી આ પદ્માની શી અવસ્થા થશે ?' એમ શંકા કરતી સખી તેને મહાકષ્ટથી આશ્રમમાં લઈ ગઈ. પછી તે નંદા નામની તેની સખીએ આશ્રમમાં આવેલા ગાલવમુનિને તથા રત્નાવલીને આનંદથી સુવર્ણબાહુ રાજાની સર્વ વાત કહી. તે સાંભળી હર્ષ પામેલા ગાલવમુનિ રત્નાવલી, પદ્મા અને નંદા સહિત રાજાની પાસે આવ્યા. રાજાએ પણ મુનિનું બહુમાન કર્યું. પછી મુનિએ રાજાને કહ્યું કે-“હે રાજા ! જ્ઞાનીએ આ પહ્માના પતિ તમને કહ્યા છે, તેથી આ મારી ભાણેજને તમે પરણો.” તે સાંભળી અત્યંત હર્ષ પામેલા રાજાએ ગાંધર્વવિધિથી તેણીનું પાણિગ્રહણ કર્યું.
તે વખતે ત્યાં વિમાનો વડે આકાશને આચ્છાદન કરતો પદ્મોત્તર નામનો વિદ્યાધર રાજા કે પદ્માનો સાપત્ન-ઓરમાન ભાઈ થતો હતો, તે આવ્યો. રત્નાવલીના કહેવાથી તેણે સુવર્ણબાહુ રાજાને નમસ્કાર કરી કહ્યું કે–“હે દેવ ! તમારો વૃત્તાંત સાંભળીને હું તમારી સેવા કરવા આવ્યું છું. હે સ્વામી ! તમે જાતે પધારીને વૈતાઢ્ય પર્વત પર રહેલા મારા રત્નપુર નગરને પવિત્ર કરો.” આવું તેનું વચન અંગીકાર કરી રત્નાવલી અને કુલપતિની રજા લઈ રાજા પરિવાર સહિત તેના વિમાનમાં બેઠો. તે વખતે પદ્મા પણ મામાની તથા માતાની રજા લઈ પતિની પાછળ ચાલી. પછી પદ્મા સહિત તે રાજાને તત્કાળ વૈતાઢ્ય પર્વત પર પબોત્તર પોતાના નગરમાં લઈ ગયો. ત્યાં દિવ્ય રત્નના પ્રાસાદમાં તે સુવર્ણબાહુ રાજાને ઉતારો આપીને સેવકની જેમ પોતે સ્નાન–ભોજન આદિ વડે તેનો યોગ્ય સત્કાર કર્યો. પછી સુવર્ણબાહુએ પુણ્યપ્રભાવથી બંને શ્રેણિનું સામ્રાજય પ્રાપ્ત કર્યું અને ઘણી વિદ્યાધર કન્યાઓનું પાણિગ્રહણ કર્યું. પછી પદ્મા વગેરે પ્રિયાઓ