Page Text
________________
ભક્તિપાત્રની આશાતના ન થઈ જાય, તેની પણ કાળજી રાખવી જોઈએ. આજે ભક્તિની પણ કેટલીક ક્રિયાઓ, તે ક્રિયાઓ આચરનારાઓની સંદ્રતા આદિથી, આશાતનાની ક્રિયાઓ જેવી બની ગઈ છે. થોડી શક્તિ હોય તો થોડાની ભક્તિ કરો, પણ ભક્તિ કરો તે એવી રીતે કરો કે જેથી ભક્તિપાત્રોની આશાતના થવા પામે નહિ. અનન્ત ઉપકારી શ્રી જિનેશ્વરદેવોની આજ્ઞા મુજબ સંયમના જ પાલન અને પ્રચારમાં ઉદ્યમવત્ત બનેલા મહાત્માઓ, એ તો ભક્તિના શ્રેષ્ઠ ભાજન રૂપ છે; પરંતુ આજે કહેવાતા શેઠીયા તેમની પણ દયા ખાતા હોય, એ રીતે વર્તી રહી છે. ભક્તિપાત્રો પ્રત્યે ભક્તિભાવ ન જાગવો, અને દીન, દુ:ખી આદિ પ્રત્યે અનુકંપાભાવ ન જાગવો, એ પણ એક પ્રકારની કારમી કમનસીબી છે. પાત્ર આત્માઓ ત્રણ પ્રકારના ગણાય છે સર્વવિરતિધર મહાત્માઓ એ ઉત્તમ કક્ષાના પાત્ર છે. દેશ વિરતિધર ગૃહસ્થો એ મધ્યમ કક્ષાના પાત્ર છે અને તથા પ્રકારે વિરતિ કરવાને અશક્ત હોવા છતા પણ માર્ગમાં સુદર શ્રદ્ધાવાળા બની શાસન પ્રભાવનાદિ સંબંધી શક્ય પ્રવૃત્તિઓ કરનારા સમ્યગ્દષ્ટિ ગૃહસ્થો એ જઘન્ય પાત્ર છે. દાન દેનારાઓએ પણ આ ભક્તિપાત્ર આત્માઓની આશાતના ન થઈ જાય, તેની કાળજી રાખવી જોઈએ. આથી સ્પષ્ટ જ છે કે, લ્યાણના અર્થીઓએ દાનમાં પણ સુવિવેકશીલ બનવાની જરૂર છે. કે જેથી તે દાન પણ આત્માને મુક્તિ પમાડનારું બની જાય.
ખાસ વિચારવા જેવી વાત હવે જે પ્રસંગનું વર્ણન શરૂ થાય છે, તે પ્રસંગ ખાસ સમજવા જેવો છે. શ્રીમતી સીતાજી જ્યારે શ્રી રામચન્દ્રજીની સલાહ મુજબ ધર્મકર્મમાં વિશેષ આદરવાળા બન્યાં છે, તે વખતે શ્રી રામચન્દ્રજી પાસે બીજી જ વાત ચાલી રહી છે. આપણે જોઈ ગયા છીએ કે, શ્રીમતી સીતાજીની સપત્નીઓએ ઈર્ષાને વશ બનીને, માયાથી શ્રીમતી સીતાજીની પાસે શ્રી રાવણના ચરણો ચીતરાવેલ હતા; અને શ્રી રામચન્દ્રજીને તે બતાવીને શ્રીમતી સીતાજી હજુ પણ શ્રી રાવણને જ ઈચ્છી રહ્યા છે, એવું શ્રી રામચંદ્રજીના મગજમાં ઠસાવવાની પેરવી
......આધ્યત્તિમાં શરણ
கரு குரு குரு குரு குரு குரு குரு குரு குரு
એક ઘર્મ જ છે
૧૪૯
| SR No. | 022833 |
| Book Title | Jain Ramayan Part 06 |
| Original Sutra Author | N/A |
| Author | Ramchandrasuri, Shreyansprabhsuri |
| Publisher | Smrutimandir Prakashan |
| Publication Year | 2011 |
| Total Pages | 286 |
| Language | Gujarati |
| Classification | Book_Gujarati |
| File Size | 11 MB |