________________
પૂજ્યશ્રી : પણ આપણી પાસે તેનો સીધો જવાબ છે.
આપણે તો શ્રી સર્વજ્ઞ પરમાત્માએ ઉપદેશેલાં અને તેને અનુસરનારાં શાસ્ત્રોને માનીએ છીએ. અને શ્રી સર્વજ્ઞદેવોને પુરુષવેદ કે સ્ત્રીવેદ બેમાંથી એક્ય ઉદયમાં હોય જ નહિ. ખરી વાત એ છે કે જે આજનાઓએ આવી દલીલો અનાચારની ઘેલછાથી ઉભી કરી છે. શાસ્ત્રો પુરુષે રચેલા છે, પણ તે કયા પુરુષોએ ? શાસ્ત્રો જો એવા પુરુષોએ રચેલા હોય, કે જે સ્ત્રીલંપટ હોય, સ્ત્રીઓની પૂંઠે પાગલ બનેલા હોય અને ‘પુરુષો સ્ત્રીઓ ઉપર પ્રભુત્વ ભોગવી લહેરથી ભોગ ભોગવ્યા કરે' એવી ભાવનાવાળા હોય, તો આવી દલીલો કરે તે કાંઈકેય સાર્થક ગણાય. પણ શાસ્ત્રો રચ્યાં છે, સંસારના ત્યાગીઓએ. અને શાસ્ત્ર રચનાર તે મહાપુરુષોનો ઇરાદો તો એ હતો કે, દુનિયાના પ્રાણીઓ-સ્ત્રી કે પુરુષ, ભોગથી વિરામ પામે અને વિરક્ત બની સંયમને સેવે ! એટલે તે મહાપુરુષોને પુરુષો પ્રત્યે પક્ષપાત કરવાને કોઈ કારણ જ નહિ હતું. તે મહાપુરુષોએ તો સ્ત્રી-પુરુષ બંને કલ્યાણ સાધી શકે એ માટે જે વસ્તુરૂપ હતું તે દર્શાવ્યું અને શ્રેયઃસાધક મર્યાદાઓ પણ જણાવી.
વિધવા બનેલી સ્ત્રીઓને માટે તો વિષયસુખોમાંથી વૃત્તિને ખેંચી લઈને, ધર્મની આરાધનામાં વૃત્તિને લીન કરવી એ જ શોભાસ્પદ છે અને કલ્યાણપ્રદ છે. તમારા ઘરનું વાતાવરણ પણ એવી ઉંચી કોટિનું હોવું જોઈએ કે ઘરમાં યુવાન વહુ કે યુવાન દીકરી વિધવા હોય, તો એને ખોટા વિચારો આવવાની તક ન મળે. યુવાન વિધવાઓ પણ દીક્ષા લઈ ન શકતી હોય, તો પોતાનો ઘણો વખત ધર્મમાં ગાળે અને ઘરમાં હોય ત્યારે ઘરમાં જૈન આચારો બરાબર પળાય તેની તેમજ સૌમાં ધર્મસંસ્કાર દૃઢ થાય તેની કાળજી રાખે. વિધવાઓ ધારે તો ઘરમાં ધર્મનું સુંદર વાતાવરણ સર્જી શકે
ધર્મવ્યવહારની આડે આવે તે બધા પાપવ્યવહારો...૯
૭
