________________
ધર્મવ્યવહારની આડે આવે તે બધા પાપવ્યવહારો
૯
શ્રી અપ્રમેયબલ મહર્ષિના શ્રીમુખે પૂર્વભવની વાતો જાણીને શ્રી કુંભકર્ણઆદિ, શ્રી ઇન્દ્રજિત, મેઘવાહન આદિ અને શ્રી મન્દોદરી આદિએ દીક્ષાનો સ્વીકાર કર્યો. આ પ્રસંગના વર્ણનમાં ગઈકાલે પતિ મર્યો હોય તો આજે દીક્ષા લેવાય કે નહીં? એવા પ્રશ્નપૂર્વક ખૂબ જ વિશદ વર્ણન થયું છે જે ધર્મવ્યવહારપાપવ્યવહારની સ્પષ્ટતા કરે છે, ધર્મશાસ્ત્રકારોની અપક્ષપાત વૃત્તિને રજૂ કરે છે અને જૈનત્વની જાગતી જ્યોતનો પ્રકાશ ફેલાવે છે.
શ્રી શાલિભદ્ર અને શ્રી જંબુકુમારના પ્રસંગો, શ્રીગુણસાગરની વાતો વર્ણવતાં પ્રવચનકાર મહર્ષિએ દીક્ષા અંગે પરિણતીની પરિક્ષા, અતિશય જ્ઞાનીઓની વિશિષ્ટતા, સંસારત્યાગ કોણ કરી શકે ? દીક્ષાના સંબંધમાં વયઃપ્રમાણનું વર્ણન તથા આઠ વર્ષની દીક્ષા અપવાદ માર્ગ નથી પણ રાજમાર્ગ છે નો ઉદ્ઘોષ કર્યો છે. અને તે બાબતમાં મહાપુરુષોના વચનોનો ઉલ્લેખ કર્યો છે તથા દીક્ષાવિરોધીઓની વિકૃત દલીલોનું પરિમાર્જન શાસ્ત્રાધારે યુક્તિપૂર્વક અહીં કર્યું છે.
-શ્રી
૨૦૧
