________________
તરસ. માનાપમાન, શરદી-ગરમી વગેરે વેઠતાં શીખવું પડે. પાપભીરતા, એ ભીરતા છતાંય સત્ત્વશીલતાના ઘરની વસ્તુ છે. એ પાપભીરતા આવે કયારે ? તમે જો તમારી પ્રવૃત્તિને જ્ઞાનીઓએ કહેલા પરિણામનો વિચાર કરનારા બનો તો ! જ્ઞાનીઓએ સંસારનો સંબંધ તોડવાનું વાહક ઉપદેશ્ય છે એમ? નહિ જ. એ તારકોએ પરિણામ જોયું. સંસારના જીવો અનંતકાળથી જે કારમાં દુ:ખો ભોગવી રહ્યા છે, તે જ્ઞાનીઓએ જોયું. એ તારકોએ જોયું કે આ બધુ પાપમયતાનું પરિણામ છે. આથી જ જ્ઞાનીઓએ મોક્ષમાર્ગ ઉપદેશ્યો. મોક્ષમાર્ગ એટલે સંસારથી મૂકાવનાર માર્ગ. એથી જ કહેવાય છે કે, વિવેકપૂર્વક વિચારણા કરતાં પણ સંસારના સંબંધને તોડવાની જેનામાં ઈચ્છા ઉદ્ભવે નહિ તે જૈન નહિ.
સંસારના સંબંધને તોડવાની ઈચ્છા ક્યારે જન્મે ? સંસાર ભંડો લાગે તો કે સંસાર મીઠો લાગે તો ? જ્ઞાનીઓએ તો સંસારને દુ:ખમય, દુ:ખફલક અને દુ:ખપરંપરક કહાો છે. યથાસ્થિતપણે વિચાર કરો તો તમને, એ સમજાય તેમ છે. એક જીવનના થોડા ભાગ ઉપર વિચાર કરી જુઓ, એમાં મનથી કેટલાં પાપો કર્યા, વચનથી કેટલાં પાપો કર્યા અને કાયાથી કેટલાં પાપો કર્યા? એ પાપોનુ ફળ વિચારો અને એ ફળ ભોગવતી વખતે આત્મા સમાધિના અભાવે જે પાપો કરે, કે તેનો ખ્યાલ કરો. આ રીતે વિચાર કરો તો ય સમજાય કે, આ સંસાર દુઃખમય, દુ:ખફલક, અને દુઃખપરંપરક છે. આવા સંસારને મજબૂત બનાવવાનો, જ્ઞાનીઓ કદીપણ ઉપદેશ આપે ખરા ? નહિ જ. અને જે સંસારને જ્ઞાનીઓ દુ:ખમય, દુઃખફલક, તથા દુ:ખપરંપરક કહે, તે જ સંસારમાં તમે રસિયા બનો, તેવો ઉપદેશ સાધુઓ ય આપે ખરા ? નહિ જ. ખરેખર સાચા શ્રાવકો પણ તેવી શિખામણ કોઈને ન આપે. તો સાધુઓ તો આપે જ શાના ? આમ છતાં પણ આજે વેષધારી કેવો ઉપદેશ આપી રહ્યા છે. તે જુઓ ! જાણે ત્યાગ અને વૈરાગ્યના વેરી હોય, તેમ વેષધારીઓ આજે વર્તી રહ્યા છે. શ્રી જૈનશાસનને પામેલો ત્યાગ
સ્વજનોનું મરણ, પાછળનાઓને ચેતવે છે..૮
