Page Text
________________
છતાં શ્રી જિનેશ્વરદેવોની હયાતિમાં પણ બધા જ જૈન કેમ બન્યા નહિ? મિથ્યાદ્દષ્ટિઓ કેમ રહ્યા ? પાખંડીઓ કેમ રહ્યા ? ધર્મનું નામ સાંભળતાં દ્વેષ કરે એવા પણ કેમ રહ્યા ? કહેવું જ પડશે કે, તે તે જીવોની યોગ્યતા ઓછી, ત્યારે ન્યાયી મહાત્માના પક્ષને પણ બધા જ અવલંબે, એવો એકાંત નિયમ નથી. ન્યાયી મહાત્માના પક્ષનો વિરોધ કરનારા પણ સંખ્યાબંધ હોય એમેય બને.
વાત એ છે કે, સુવિવેકી આત્માઓ, ન્યાયી મહાત્માના પક્ષને અવલંબનારા હોય. આજે વિરોધીવર્ગ એવી પણ કુયુક્તિથી અજ્ઞાન જીવોને મૂંઝવવાનો પ્રયત્ન કરે છે કે, ‘જો તમારા ગુરુઓનું કહેવું સાચું છે, ન્યાયયુક્ત છે તો એનો વિરોધ કરનારા કેમ છે ? સાચી અને ન્યાયયુક્ત વાત તો સૌને ગમવી જોઈએ.' એવાઓને કહેવું જોઈએ કે, ‘સાચી અને ન્યાયયુક્ત વાત સૌને ગમવી જોઈએ એ બરાબર છે. પરંતુ જેના હૈયામાં બીજો કચરો ભરેલો હોય, દુર્જનતા ભરેલી હોય, દ્વેષ ભરેલો હોય, અજ્ઞાન ભરેલું હોય, ધર્મ પ્રત્યે અરુચિ ભરેલી હોય અને પૌદ્ગલિક લાલસામાં જે ભાનભૂલો બન્યો હોય, એને આત્મકલ્યાણની સાચી અને ન્યાયયુક્ત વાત પણ રુચે નહિ એ બનવા જોગ છે. છતાં, એવાઓને સાચી અને ન્યાયયુક્ત વાત રુચે નહિ એટલા માત્રથી એ વાતને ખોટી કે અન્યાયયુક્ત કહી શકાય જ નહિ. આ પછી કુળપ્રધાનો કહે છે કે, “શ્રીમતી સીતાના નિમિત્તે શ્રી રામથી આપણા કુળનો ક્ષય થવાનો છે.” એમ જ્ઞાનીએ કહેલું જ છે. તો પણ પુરુષને આધીન જેટલું સમયોચિત હોય તે કરવું જોઈએ. કરવા યોગ્ય કરવામાં બેદરકાર ન બનો
જ્ઞાનીએ કહ્યું છે એટલે એ વચન મિથ્યા તો થવાનું જ નથી. શ્રીમતી સીતાદેવીના નિમિત્તે શ્રી રાવણના કુળનો ક્ષય થવાનો છે એ નક્કી વાત છે. છતાં પણ કુળપ્રધાનો હાથ જોડીને બેસી રહેવાનું કે થાય તે જોયા કરવાનું કહેતા નથી. કુળનો નાશ થવો એ દૈવાધીન છે. પણ પુરુષાધીન જે હોય તે તો કરવું જ જોઈએ એમ મંત્રીઓ કહે છે.
આજે પાંચમા આરાના બહાને જેઓ શાસનરક્ષાની બાબતમાં મૌન સેવી રહ્યા છે અને મૌન સેવવાનો ઉપદેશ આપી,
(૨૦૯
મોક્ષમાર્ગ ઉપર આક્રમણ એ ઘર્માત્માઓ માટે કસોટી...૧૧
| SR No. | 022830 |
| Book Title | Jain Ramayan Part 03 |
| Original Sutra Author | N/A |
| Author | Ramchandrasuri, Shreyansprabhsuri |
| Publisher | Smrutimandir Prakashan |
| Publication Year | 2011 |
| Total Pages | 350 |
| Language | Gujarati |
| Classification | Book_Gujarati |
| File Size | 11 MB |