________________
પણ તેના સેવક પ્રજાજન આદિ લોકોએ પૂર્વની માફક જ નમસ્કાર ઉપ ર્યા. અર્થાત્ પૂર્વની માફક તેનો કઈ દુશ્મન રહો નહિ અને સૌ કોઈએ સુગ્રીવને પોતાના રાજા તરીકે પૂર્વવત્ સ્વીકારી લીધા.
- ત્યારબાદ પોતાની સુંદર એવી તેર કન્યાઓને સ્વીકારવાની વાનરેશ્વર સુગ્રીવે શ્રી રામચંદ્રજીને હાથ જોડીને યાચના કરી. પણ આના ઉત્તરમાં શ્રી રામચંદ્રજીએ કહયું કે, “શ્રીમતી સીતાની શોધ કરવાનો પ્રયત્ન કરો ! આ કન્યાઓથી કે બીજી કોઈ વસ્તુથી શું ? અર્થાત્ મને નથી તો જરૂર આ કન્યાઓની કે નથી તો જરૂર બીજી કઈ વસ્તુની માટે તમે શ્રીમતી સીતાની શોઘ મેળવવાનો જ પ્રયત્ન કરો. આ પ્રમાણે કહીને, બહારના ઉદ્યાનમાં જઈને શ્રી રામચંદ્રજી ત્યાં રહ્યા અને તેઓની આજ્ઞાથી સુગ્રીવે પોતાની કિર્ડિંધાનગરીમાં પ્રવેશ કર્યો.
વિચારો કે કર્મની દશા બહુ ભયંકર છે આ પ્રસંગ તો અહીં પૂરો થયો પરંતુ એના ઉપરથી જે બોધ લેવાનો છે તે વિચારજો. કર્મની દશા બહુ ભયંકર છે. કઈ વખતે કઈ હાલત થશે ? એ નક્કી નથી. રાજાને ક્ષણવારમાં ભિખારી બનાવનાર ૬ અને સત્તાના શિખરેથી નીચે પટક્નાર કર્મનો મહિમા અજબ છે. છતાં માણસો ભાન ભૂલીને પાપમાં રક્ત રહે છે. અર્થ અને કામમાં લુબ્ધ બનેલાઓ જો આ વિચાર કરે તો કેવું સારું? અરે ! તેમની વાત તો દૂર રહી, પરંતુ અર્થ કામને બૂરા માનનારે તો વિચાર કરવો જોઈએ ને ? એની પાછળ જીંદગીને વેડફી નાંખવી, એનું પરિણામ શું આવશે ? કર્મની સત્તાને માનો છો ને ? કર્મની સત્તાને માનો યા ન માનો તો પણ એ પ્રત્યક્ષ છે. પ્રત્યક્ષ પરિણામ જોઈને પણ જે આત્માને પાપથી કંપારી ન છૂટે તે આત્માને કેવો માનવો ? નરકાદિનાં વર્ણન શા માટે ? કેવળ જાણવા માટે કે એ જાણીને પાપથી પાછા હઠવાને માટે ? પાપથી કંપારી છૂટે તો પાપ રસપૂર્વક થાય નહિ. પાપથી બચાવનારાઓ પરમ ઉપકારી લાગે અને પાપથી નિવૃત્ત થએલા આત્માઓ તરફ કલ્યાણનો સાધક એવો પૂજ્યભાવ પ્રગટ્યા વિના પણ રહે નહીં.
અબળા સબળા પણ બની શકે છે...૧૦
