________________
હોય તેવું બંને સૈન્યો વચ્ચે યુદ્ધ થયું. ઘોડેસ્વારની સાથે ઘોડેસ્વાર, હાથીની સાથે હાથી, પાયદળની સાથે પાયદળ અને રથીની સાથે રથી યુદ્ધ કરવા લાગ્યા. પ્રૌઢ એવા પ્રિયના સમાગમથી મુગ્ધ સ્ત્રીની જેમ, ચતુરંગી સેનાના સમૂહના વિમર્દનથી પૃથ્વી કંપને પામી પૃથ્વી પૂજવા લાગી.
પછી, “રે પરગૃહમાં પેઠેલા ! તું આવ, આવ !' એમ તે જાર સુગ્રીવને આક્રોશપૂર્વક બોલતાં સાચા સુગ્રીવે ડોક ઉંચી કરીને જારસુગ્રીવને યુદ્ધનું આહ્વાન કર્યું. એટલે તેના કરાએલા ઉન્મત્ત હાથીની માફક જારસુગ્રીવ પણ ઉગ્ર ગર્જના કરતો યુદ્ધ કરવા માટે સન્મુખ થયો. યમરાજના જાણે સહોદર હોય તેની માફક તે બંને મહાયોદ્ધાઓ, ક્રોધથી લાલ નેત્રોવાળા બનીને યુદ્ધ કરવા લાગ્યા. અને જગતને ત્રાસ પમાડવા લાગ્યા. યુદ્ધ કરવામાં ચતુર એવા તે બંનેએ એક બીજાના તીક્ષ્ણ શસ્ત્રોને તીક્ષ્ણ શસ્ત્રો વડે છેદી નાંખ્યા. તે બંનેના મહાયુદ્ધમાં પાડાઓના યુદ્ધમાં વૃક્ષોના સમૂહની માફક, શસ્ત્રોના ખંડ આકાશમાં ઉછળવા લાગ્યા અને એથી ખેચરીઓનો સમૂહ નાશી ગયો. જ્યારે તે બંનેના શસ્ત્રોને છેuઈ ગયા, એટલે ક્રોધીજનોમાં શિરોમણી એવા તે બંને, જંગમ પર્વતોની માફક અન્યોન્ય મલ્લયુદ્ધ કરવા લાગ્યા. ક્ષણવારમાં આકાશમાં ઉછળતા | અને ક્ષણવારમાં ભૂમિ ઉપર પડતાં તે બંને વીર ચૂડામણી કુકડાના | જેવા દેખાવા લાગ્યા. આ રીતે ઘણાં ઘણાં પ્રકારે યુદ્ધ કરવા છતાં પણ તે બંને મહાપ્રાણો પરસ્પરને જીતવા માટે અસમર્થ નિવડ્યા. એટલે વૃષભની માફક એકબીજાથી દૂર ખસીને ઉભા રહા, અર્થાત્ થોડા સમયને માટે આ યુદ્ધ અટક્યું.
પછી પોતાની સહાયને માટે સાચા સુગ્રીવે અંજનાપુત્ર શ્રી હનુમાનને બોલાવીને ઉગ્ર કર્મવાળા કપટી સુગ્રીવની સાથે ફરીવાર પરાક્રમપૂર્વકનું યુદ્ધ શરૂ કર્યું. પરંતુ બેના ભેદને નહિ જાણતા એવા હનુમાનના જોવા છતાં પણ ઉક્ટ એવા જારસુગ્રીવે સાચા સુગ્રીવને કુટી નાંખ્યો.
અબળા પણ સબળા
