Agama And Tripitaka Comparative Study

SR No.: 022804
Original Sutra Author: N/A
Author: Nagaraj Muni
Publisher: Today and Tomorrows Printers and Publishers
Publication Year: 1986
Total Pages: 804
Language: English
Classification: Book_English
File Size: 19 MB

Page 725

685
'अद्धायस्मन्तेहि निगण्ठे हि सहसा अप्पटिसङ्खा वाचा भासिता-न खो, आवुसो गोतम, सुखेन सुखं अधिगन्तब्ब, दुक्खेन खो सुखं अधिगन्तब्बं ; सुखेन चावुसो गोतम, सुखं अधिगन्तब्बं अभविस्स, राजा मागधो सेनियो बिम्बिसारो सुखं अधिगच्छेय्य, राजा मागधो सेनियो बिम्बिसारो सुखविहारितरो आयस्मता गोतमेना ति । अदि च अहमेव तत्थ पटिपुच्छितब्बो-को नु खो आयस्मन्तानं सुखविहारितरो राजा वा मागधो सेनियो बिम्बिसारो आयस्मा वा गोतमो' ति ?
'अद्धावुसो गोतमो, अम्हेहि सहसा अप्पटिसङ्खा वाचा भासिता न खो, आवुसो गोतमो, सुखेन सुखं अधिगन्तब्बं, दुक्खेन खो सुखं अधिगन्तब्बं ; सुखेन चावुसो गोतम, सुखं अधिगन्तब्बं अभविस्स, राजा मागधो सेनियो बिम्बिसारो सुखं अधिगच्छेय्य, राजा मागधो सेनियो बिम्बिसारो सुखविहारितरो आयस्मता गोतमेना ति । अपि च तिट्ठतेतं, इदानि पि मयं आयस्मन्तं गोतमं पुच्छाय-को नु खो आयस्मन्तानं सुखविहारितरो राजा वा मागधो सेनियो बिम्बिसारो आयस्मा वा गोतमो' ति ?
'तेन हावुसो निगण्ठा, तुम्हे व तथ्य पटिपुच्छिस्सामि, यथा वो खमेय्य तथा नं व्याकरेय्याथ । तं किं मञथावुसो निगण्ठा. पहोति राजा मागधो सेनियो विम्बिसारो, अनिञ्जमानो कायेन, अभासमानो वाचं, सत्त रत्तिन्दिवानि एकन्तसुखं पटिसंवेदी विहरितुं' ति ?
'नो हिदं, आवु सो।
'तं किं मथावसो निगण्ठा, पहोति राजा मागधो सेनियो बिम्बिसारो, अनिम्जमानी कायेन, अभासमानो वाचं, छ रत्तिन्दिवानि पे०. "पञ्च रत्तिन्दिवानि'चत्तारि रत्तिन्दिवानि "तीणि रत्तिन्दिवानि "द्वे रत्तिन्दिवानि "एक रत्तिन्दिवं एकन्तसुखं पटिसंवेदी विहरितुं' ति ?
'नो हिदं, आवुसो' । ___ 'अहं खो, आवुसो निगण्ठा, पहोमि अनिञ्जमानो कायेन, अभासमानो वाचं, एक रत्तिन्दिवं एकन्तसुखं पटिसंवेदी विह रितुं । अहं खो, आवुसो निगण्ठा, पहोमि अनिञ्जमानो कायेन, अभासमानो वाचं, द्वे रत्तिन्दिवानि "तीणि रत्तिन्दिवानि 'चत्तारि रत्तिन्दिवानि पञ्च रत्तिन्दिवानि...छ रत्तिन्दिवानि'"सत्त रत्तिन्दिवानि एकन्तसुखं पटिसंवेदी विहरितुं । तं किं मञथावुसो निगण्ठा, एवं सन्ते को सुखविहारितरो राजा वा मागधो सेनियो बिम्बिसारो अहं वा' ति ?
___ ‘एवं सन्ते आयस्मा व गोतमो सुखविहारितरो रञा मागधेन सेनियेन बिम्बिसारेना' ति। ___ इदमवोच भगवा । अत्तमनो महानामो सक्को भगवतो भासितं अभिनन्दी ति ।' १. सुत्तपिटके, मज्झिमनिकाय पालि, मूलपण्णासक, चूलदुक्खक्खन्धसुत्तं, १४-२, २;
पृ० १२६-१३१ ।