________________
ઉપાસકની અત્યારની અને ભાવી પેઢી પ્રત્યે આપણું એ કર્તવ્ય છે.
આ બધાં લખાણે જોતાં શું લેવું અને શું જવા દેવું એની મીઠી મૂંઝવણ મેં અનુભવી છે. એક બાજુ બસે એક પાનાંની મર્યાદા: અને સામે જોતાં જ મનમાં વસી જાય એવાં મનહર લખાણોનો ઢગલે; પણ રત્નના મોટા ઢગલાની સામે બે હાથના માનવીનું ગજું કેટલું ? છેવટે પુસ્તકના ગજા જેટલી તારવણ કરવી અનિવાર્ય હતી. | પહેલી મર્યાદા જૈન ઇતિહાસને લગતાં લખાણની સ્વીકારી; પછી જૈનધર્મને અને પ્રભાવક પુરુષને પરિચય આપતા લેખે કાળક્રમ પ્રમાણે, લેવાનું નક્કી કર્યું. તે પછી તીર્થો અને ગ્રંથોના પરિચય આપવાની યોજના હતી, પણ સ્થળસંકોચને લીધે તે બાકી રાખવી પડી.
જે લેખ પસંદ કર્યા તે પણ આખેઆખા આપી શકાય એવી સ્થિતિ ન રહી, એટલે એમાં પણ સંક્ષેપ કરવાનું અનિવાર્ય થઈ ગયું. છેવટે, બને એટલા વધુ લેખે આપવા, અને તેને ટૂંકાવવા જતાં મહત્ત્વનો મુદ્દો આપવો ન રહી જાય એની બને તેટલી ચીવટ રાખવી; અને એમાં શ્રી દલસુખભાઈનું માર્ગદર્શન સતત મેળવતાં રહેવું એ ક્રમે આ સંગ્રહ-જૈન ઇતિહાસની ઝલક–નું કામ શરૂ કર્યું, અને પૂરું કર્યું.
આમાં જ્યાં જ્યાં લખાણ ટૂંકાવવામાં આવ્યું છે ત્યાં ત્યાં ... આવાં ટપકાં મૂકીને એનું સૂચન કરવામાં આવ્યું છે. જ્યાં સંદર્ભ મેળવવા કે બીજી અનિવાર્ય રીતે મારે કઈ શાબ્દ કે વાક્ય ઉમેરવું પડયું છે તે કાટખૂણા કૌંસ [ માં મૂકયું છે. જે લેખે હિંદી હતા તેને ગુજરાતી અનુવાદ કરવામાં આવ્યો છે. અને દરેક લેખને અંતે એ લેખનું મૂળ સ્થળ, સાલ–સંવત સાથે, સૂચવવામાં આવ્યું છે. ( આ પ્રમાણે, પૂજ્ય મુનિજની જીવનભરની જ્ઞાનોપાસનાની અ૫સ્વલ્પ પ્રસાદીરૂપે આ પુસ્તક આજે પ્રગટ થાય છે, એને મને આનંદ છે. મુનિજીના વ્યાપક જ્ઞાનને થોડાક નમૂને જિજ્ઞાસુઓ સમક્ષ રજૂ કરો એટલે જ આ સંગ્રહનો હેતુ છે. બાકી તો, ખરે જિજ્ઞાસુ એમને જ્ઞાનભંડાર જોયા વગર નહીં રહી શકે.
