________________
અર્થાત કોઈ મનુષ્યમાં દુનિયા ભરનાં તમામ જ્ઞાન હોય, વિજ્ઞાન હોય, બદ્ધિ હોય ને તાર્કિકતા હોય પણ જો આત્મજ્ઞાન ન હોય તો તે સઘળું શૂન્ય બરાબર છે.
જ્ઞાની પાસે આ જ્ઞાન હોય છે. આ સમજણ હોય છે. જ્ઞાની માત્ર પોથી પંડિત નથી. ગોખણપટ્ટી કરનારો નથી. એનું જ્ઞાન અંદરથી પ્રગટ્યું છે. ઊંડાણમાંથી ઝળક્યું છે. અંતઃ સ્ફરિત છે. માટે જ્ઞાની પાસે જાવ. ગર્વની ગઠરિયાં છોડીને જાવ. શિષ્ય બનીને જાવ. સાધક બનીને જાવ. તરસ્યા બનીને જાવ. ને જ્ઞાનામૃત દ્વારા તૃષા મિટાવો. જ્ઞાનીને ગુરુ બનાવો. તે જ્ઞાન આપશે. આત્મજ્ઞાન આપશે. સર્વસ્વના અર્પણની તૈયારી રાખો. ભક્તિ ભાવના રાખો. અને અંતરદ્રષ્ટિનો ઉપયોગ કરો. જ્ઞાનીઓની નજીકાઈ પરિણામદાયી છે. માટે જ્ઞાની ગુરુની સંગતિ કરો. જ્ઞાન મેળવો. આત્મજ્ઞાન મેળવો. आत्मभावं विना लोका, भ्रान्ता भ्रमन्ति भूतले। आत्मशर्म न जानन्ति, भूपेन्द्रा अपि वस्तुतः ॥१४३ ॥ આ સંસારમાં રાગદ્વેષથી ભરેલા સંસારમાં - અનેક કષાયોના સમુદ્ર સમા સંસારમાં - મોહમાયાથી યુક્ત સંસારમાં આજ દિન સુધી લોકો ભમ્યા છે અને ભમે છે અને ભમ્યા કરશે કારણ? કારણ કે આત્મભાવનો અભાવ છે. આત્મભાવની ગેરહાજરી - આત્મભાવ નથી. ને જ્યાં આત્મભાવ નથી, ત્યાં માત્ર અભાવ છે. માત્ર ભમવાનું છે. માત્ર ભટકવાનું છે. આત્મભાવ જ મુખ્ય છે. આત્મભાવ વિના સર્વ શૂન્ય. માત્ર મીંડા. જેની કિંમત કશી જ
નહિ.
૧૬૦ .
