Page Text
________________
दशवैकालिकं-टीकात्रिकयुतम्
(ति.) एतदेव निगमयति- स्पष्टः । नवरम् । महादोषाणां चौर्यप्रवृत्यादीनां, समुच्छ्रयः-उन्नतिर्यत्र तं महादोषसमुच्छ्रयम् ।।६.१६ । ।
१८०
(स.) अथ एतदेव निगमयति- मूलं...इति - णमिति वाक्यालङ्कारे. निर्ग्रन्थाः साधवस्तस्मात्कारणान्मैथुनसंसर्गं मैथुनसम्बन्धं योषित आलापाद्यपि वर्जयन्ति, तस्मात् कस्मात् ? यत एतत् अब्रह्मसेवनम्, अधर्मस्य पापस्य मूलं बीजमिति परलोकसम्बन्ध्यपायः, कष्टं पुनरेतन्महादोषसमुच्छ्रयं महतां दोषाणां चौर्यप्रवृत्त्यादीनां समुच्छ्रयं सङ्घातवदितीहलोकसम्बन्ध्यपायः, कष्टमित्युभयलोककष्टदातृत्वान्मैथुनवर्जनं युक्तं साधूनाम् ।।६.१६।।
(सु.) एतदेव निगमयति- मूलमेयं' इति, मूलं - बीजमेतदधर्मस्य पापस्येति पारलौकिकोऽपायः । महादोष - समुच्छ्रयं महतां दोषाणां चौर्यप्रवृत्त्यादीनां समुच्छ्रयंसङ्घातवदिति ऐहिकोऽपायः । यस्मादेवं तस्मान्मैथुनसंसर्गं इति प्राकृतत्वात्, मैथुनसंसर्गंमैथुनसम्बन्धं योषिदालापाद्यपि निर्ग्रन्था वर्जयन्ति, णमिति वाक्यालङ्कार इति ।।६.१६।।
बिडमुब्भेइमं लोणं, तिल्लं सप्पिं च फाणियं ।
न ते संनिहिमिच्छंति, नायपुत्तवओरया ।।६.१७ । ।
(ति.) उक्तश्चतुर्थस्थानविधिः, पञ्चममाह - बिडम्-पक्वम्, अग्नितापादिना प्रासुकम । उद्भेदिमम्-उद्भेदाज्जातम्, सामुद्रम् अप्रासुकं द्विधापि लवणम् । तैलम् । सर्पिः-घृतम् । फाणितम्-गुडम् । इत्यादि । न ते - साधवः । सन्निधिम् इच्छन्ति-कर्तुं न वाञ्छन्ति । ज्ञातपुत्रवचसि रताः ।।६.१७।।
(स.) चतुर्थस्थानविधिः प्रोक्तः, अथ पञ्चमस्थानविधिमाह - बिडं... इति - साधव एतेषां सन्निधिं न कुर्वन्ति पर्युषितं, कोऽर्थः ? रात्रौ रक्षितं न स्थापयन्ति, किं विशिष्टाः साधवः ? ज्ञातपुत्रवचोरताः, ज्ञातपुत्रः श्रीवर्धमानस्वामी, तस्य वचने निस्सङ्गताप्रतिपादनतत्परे रता आसक्ताः, केषां सन्निधिं न कुर्वन्ति ? बिडं गोमूत्रादिपक्वम्, उद्भेद्यं सामुद्रादि, बिडं प्रासुकमुद्भेद्यमप्रासुकमित्येवं द्विप्रकारं लवणं, तथा तैलं, सर्पिश्च घृतं, फाणितं द्रवगुङ, एतच्च लवणाद्यप्येवं द्विप्रकारमन्यच्च रात्रौ न रक्षन्तीत्यर्थः ।।६.१७।।
तान्याह
(सु.) प्रतिपादितश्चतुर्थस्थानविधिः, इदानीं पञ्चमस्थानविधिमाह - विडमु... इति,
| SR No. | 022615 |
| Book Title | Dashvaikalik Sutram |
| Original Sutra Author | N/A |
| Author | Tattvaprabhvijay |
| Publisher | Jinprabhsuri Granthmala |
| Publication Year | 2014 |
| Total Pages | 416 |
| Language | Sanskrit |
| Classification | Book_Devnagari & agam_dashvaikalik |
| File Size | 31 MB |