________________
पन्नरसमं सयं
असणपाणखाइमसाइमेणं पडिलाभेस्सामि त्ति कट्ट तुट्टे, पडिलामेमाणे वि तुट्टे, पडिलाभिए वि तुटे । तए णं तस्स विजयस्स गाहावइस्स तेणं दव्वसुद्धणं दायगसुद्धणं पडिगाहगसुद्धणं तिविहेणं तिकरणसुद्धेणं दाणेणं मए पडिलाभिए समाणे देवाउए निबद्धे, संसारे परित्तीकए, गिहंसि य से इमाई पंच दिव्वाइं पाउन्भूयाई, तं जहा-१ वसुधारा वुट्ठा, 5 २ दसद्ध धण्णे कुसुमे निवाइए, ३ चेलुक्खेवे कए, ४ आहयाओ देवदुंदुभीओ ५ अंतरा वियणं आगासे 'अहो दाणे दाणे' त्ति घुट्टे । तए णं रायगिहे नगरे सिंघाडग जाव पहेसु बहुजणो अन्नमन्नस्स एवमाइक्खइ ४, 'धन्ने णं देवाणुप्पिया, विजए गाहावई, कयत्थे णं देवाणुप्पिया, विजए गाहावई, कयपुण्णे णं देवाणुप्पिया, विजए गाहावई, कय-10 लक्खणे णं देवाणुप्पिया, विजए गाहावई, कया णं लोया देवाणुप्पिया, विजयस्त गाहावइस्स, सुलद्धे णं देवाणुप्पिया, माणुस्सए जम्मजीवियफले विजयस्स गाहावइस्स, जस्स णं गिहंसि तहारूवे साहु साहुरूवे पडिलाभिए समाणे इमाई पंच दिवाई पाउन्भूयाई, तं जहा१ वसुधारा वुट्ठा, जाव 'अहो दाणे दाणे' त्ति घुटे । तं धने कयत्थे 15 कयपुण्णे कयलक्खणे, कया णं लोया, सुलद्धे माणुस्सए जम्मजीवियफले विजयस्स गाहावइस्स ॥
८. तए णं से गोसाले मंखलिपुत्ते बहुजणस्स अंतिए एयमटुं सोचा निसम्म समुप्पन्नसंसए समुप्पन्नकोउहले जेणेव विजयस्स गाहावइस्त गिहे तेणेव उवागच्छइ, २ त्ता पासइ विजयस्स 20 गाहावइस्स गिहंसि वसुहारं वुटुं, दसद्धवण्णं कुसुमं निवडियं, ममं च णं विजयस्स गाहावइस्स गिहाओ पडिनिकखममाणं पासइ, २ त्ता हट्टतुट्टे जेणेव ममं अंतिए तेणेव उवागच्छइ, २त्ता ममं तिखुतो आयाहिणपयाहिणं करेइ, २ त्ता ममं वंदइ नमसइ, २त्ता ममं एवं वयासी-'तुज्झे णं भंते, ममं धम्मायरिया, अहं गं 25
