________________
४२
दसवेआलियसुत्तं.
अज्झयण ९-२
अप्पणठ्ठा परछा वा सिप्पा नेउणियाणि य। गिहिणो उवभोगठा इहलोगस्स कारणा ॥१३॥ जेण बंधं वहं घोरं परिवायं च दारुणं। सिक्खमाणा नियच्छति जुत्ता ते ललिइंदिया ॥१४॥ ते वि तं गुरुं पूयंति तस्स सिप्पस्स कारणा। सक्कारेंति णमंसन्ति तुठा निद्देसवत्तिणो ॥१५॥ 'किं पुण जे सुयग्गाही अणन्तहियकामए। आयरिया जं वए भिक्खू तम्हा तं नाइवत्तए ॥१६॥ नीयं सेज्जं गई ठाणं 'नीयं च आसणाणि य । नीयं च पाए वंदेज्जा नीयं कुज्जा य अंजलिं ॥१७॥ संघदृइत्ता कारणं तहा उवहिणामवि।। खमेह अवराहं मे वएज्ज न पुणो त्ति य ॥१८॥ दुग्गओ वा पओएणं चोइओ वहई रहं।। एवं दुबुद्धि किच्चाणं वुत्तो वुत्तो पकुव्वइ ॥१९॥ आलवंते लवंते वा 'न निसेज्जाए पडिस्सुणे। "मोत्तूणं आसणं धीरो सुस्सूसाए पडिस्सुणे ॥२०॥ कालं छंदोवयारं च पडिलेहित्ताण हेउहि । "तोहं तेहिं उवाएहिं तं तं संपडिवायए ॥२१॥ विवत्ती अविणीयस्स संपत्ती विणियस्स य। जस्सेयं दुहओ नायं सिक्खं से अभिगच्छइ ॥२२॥ जे यावि चण्डे 'मइइडिगारवे
पिसुणे नरे साहस हीणपेसणे। अदिधम्मे विणए अकोविए
__ असंविभागी न हु तस्स मोक्खो ॥२३॥ णिद्देसवत्ती पुण जे गुरूणं.
सुयत्थधम्मा विणयंमि कोविया। तरित्तु ते ओहमिणं दुरुत्तरं
खवित्तु कम्मं गइमुत्तमं गय ॥२४॥ त्ति बेमि॥ णवमअज्झयणस्स विणयसमाहीए बिइओ उद्देसगो समत्तो।
१ क. किं पुणो जे; ख. घ. किं पुणं जे. २ ख. नीया व. ३ अ. असणाणि7 अ. पओगेणं. ५ अ. न निस्सेए; ख. न निसिज्जाए; च. न निसज्जाए. ६ खमोतूण; च. मुतूण. ७ अ. क. तेणं तेणं उवाएहिं ख. घ. तेण तेण उवाएण. ८ अ. स. मयइद्धि.
