________________
अज्झयण ९-२ दसवेआलियसुतं
॥णवममज्झयणं-बीओ उद्देसओ॥ मूलाओ खंधप्पभवो दुमस्स
खंधाउ पच्छा समुवति साहा। साहप्पसाहा विरुहंति पत्ता
'तओ य से पुप्फ फलं रसो य ॥१॥ एवं धम्मस्स विणओ मूलं परमो से मोक्खो। जेण कित्तिं सुयं 'सिग्धं निस्सेसं चाभिगच्छइ ॥२॥ जे य चंडे मिए थद्धे दुव्वाई नियडी सढे। वुज्झइ से अविणीयप्पा कळं सोयगयं जहा ॥३॥ विणयं पि जो उवाएण चोइओ कुप्पई नरो। दिव्वं सो सिरिमेज्जन्ति दंडेण पडिसेहए ॥४॥ तहेव आविणीयप्पा उववज्झा हया गया। दीसति दुहमेहता अभियोगमुवठ्ठिया ॥५॥ तहेव सुविणीयप्पा उववज्झा हया गया। दीसति सुहमेहता 'इड्डि पत्ता महायसा ॥६॥ तहेव अविणीयप्पा लोगंसि नरनारिओ। दीसंति दुहमेहंता छाया ते विगलिंदिया ॥७॥ दंडसत्थपरिजुण्णा" असम्भवयणेहिं य । कलुणा विवन्नछंदा खुप्पिवासापरीगया ॥८॥ तहेव सुविणोयप्पा लोगसि नरनारिओ। . दीसंति सुहमेहंता इढेि पत्ता महायसा ॥९॥ तहेव अविणीयप्पा देवा जक्खा य गुज्झगा। दीसंति दुहमेहंता आभियोगमुवठिया ॥१०॥ तहेव सुविणीयप्पा देवा जक्खा य गुज्झगा। दीसंति सुहमेहंता इढेि पत्ता महायसा ॥११॥ जे आयरियउवज्झायाणं सुस्सूसावयणंकरा। तेर्सि सिक्खा पवटुंति जलसित्ता इव पायवा ॥१२॥
१ अ. ग. च. तओ से पुष्पं च फलं रसो य। २ ख. सग्धं. ३ क. नियडे. ४ अ. इडिपत्ता. ५ च. परिजिण्णा. ६ ख. च. विवण्णछाया. ७ ख. घ. च. सुप्पिवासाए परिगया. ८ च. आयरिउवज्झायाणं.
