________________
अज्झयण ८ दसवेआलियसुत्तं. तहेव सावज्जणुमोयणी गिरा
ओहारिणी जा य 'परोवघाइणी। से 'कोह लोह भयसा व माणवो
न हासमाणो वि गिरं वएज्जा ॥५४॥ सवक्कसुद्धिं समुपहिया मुणी
गिरं च दुटुं परिवज्जए सया। मिये अदुठं अणुवीइ भासए
सयाण मज्झे लहई पसंसणं ॥५५॥ "भासाए दासे य गुणे य जाणिया
तीसे य दुठे परिवज्जए सया। छसु संजए सामणिए सया जए
वएज्ज बुद्धे हियमाणुलोमियं ॥५६॥ परिक्खभासी सुसमाहिइंदिए
चउक्कसायावगए अणिस्सिए । स निद्धुणे धुत्तमलं पुरेकडं
आराहए लोगमिणं तहा परं ॥ ५७ ॥ ति बेमि ॥ . ॥ सत्तमं सुवक्कसुद्धी अज्झयणं समत्तं ॥
॥अट्ठममज्झयणं ॥ आयारपणिहिं लद्धं जहा कायव्व भिक्खुणा। तं भे उदाहरिस्सामि आणुपुर्तिवं सुणह मे ॥१॥ पुढवि दग अगणि मारुय तणरुक्ख सबीयगा। तसा य पाणा जीव त्ति इइ वुत्तं महेसिणा ॥२॥ तेसिं अच्छणजोएण निच्चं होयब्वयं सिया। मणसा काय वक्केण एवं 'भवइ संजए॥३॥ पुढावं भित्तिं सिलं लेखें नेव भिन्दे न संलिहे। तिविहेण करणजोएण संजए सुसमाहिए ॥४॥
१ क. परोवघायणी. २ अ. घ. कोहलोहभयहासावमाणओ; ख. कोहलोहा भयहास. ३ क. अणुवीय. ४ क. भासाइ. ५ ख. च. धुण्णमलं. ६ ख. आयारप्पणिहिं. ७ च. वाऊ. ८ अ. जविंति; ख. जीवत्ति. ९ ख. घ. हवइ. १० अ. संजमे.
