________________
दसवेआलियसुत्तं.
अज्झयण ७
पयत्तपक्क त्ति य पक्कमालवे
पयत्तछिन्न त्ति व छिन्नमालवे । पयत्तलछ त्ति व कम्महेउयं
पहारगाढ त्ति व गाढमालवे ॥४२॥ 'सवक्कसं परग्धं वा अउलं नत्थि परिसं। अचक्कियमवत्तव्वं आचियत्तं चेव नो वए॥४३॥ सब्वमेयं वइस्सामि सव्वमेयं ति नो वए। 'अणुवीइ सव्वं सब्वत्थ एवं भासेज्ज पन्नवं ॥४४॥ *सुक्कीयं वा सुविक्कीयं आकिज्जं किज्जमेव वा। इमं गेण्ह इमं मुश्च पणियं नो वियागरे॥४५॥ अप्पग्धे वा महग्घे वा कए व्वा विक्कए वि वा। पणियठे समुप्पन्ने अणवज्जं वियागरे॥४६॥ तहेवासंजयं धीरो आस एहि करोहि वा। "सय, चिठ्ठ, वयाहि त्ति नेवं भासेज्ज पन्नवं ॥४७॥ बहवे इमे असाहू लोए वुच्चंति साहुणो। न लवे असाहु साहु त्ति साहु साहु त्ति आलवे ॥४८॥ नाणदंसणसंपन्नं संजमे य तवे रयं। एवंगुणसमाउत्तं संजय साहुमालवे ॥४९॥ देवाणं "मणुयाणं च तिरियाणं च वुग्गहे । 'अमुयाणं जओ होउ मा वा होउ त्ति नो वए ॥५०॥ वाओ वुठं व सीउण्हं खेमं धायं सिवं ति वा। कया णु होज्जा एयाणि मा वा होउ त्ति नो वए ॥५१॥ तहेव मेहं व णहं व माणवं
न देव देव त्ति गिरं वएज्जा । संमुच्छिए उन्नए "या पओए
वएज्ज वा 'वुठ बलाहग त्ति ॥५२॥ "अन्तलिक्ख त्ति णं बूया गुज्झाणुचरिय त्ति य । रिद्धिमंतं नरं दिस्स रिद्धिमंतं ति आलवे ॥५३॥
१ घ. सव्वुक्कस्सं. २ अ. अणुविअ; क. अणुव्वीइ. ३ क. सव्वत्थं. ४ ग. घ. मुकियं. ५ अ. ग. कए व. ६ च. सयं. ७ ख. माणुसाणं च; घ. मणुआणं. ८ ख. -च. अमुगाणं. ९ अ. होज्जा त्ति. १० ख. घ. च णहं च. ११ क. ख. च. वा. पओए. १२ क. ग. घ. वुठे बलाहय त्ति. १३ अ. ख. अंतलिक्खे त्ति.
