________________
४४]
[ जीवन-श्रेयस्कर-पाठमाला
एस अग्गी य वाऊ य, एयं उज्झह मंदिरं । भयवं अन्तेउरं ते, कीस नावपेक्खह ॥१२॥ एयमटुं निसामित्ता, हेऊकारणचोइओ। तओ नमी रायरिसी, देविंदं इणमब्बवी ॥१३॥ सुहं वसामो जीवामो, जेसि मो नत्थि किंचणं । मिहिलाए डज्झमाणीए, न मे उज्झइ किंचणं ॥२४॥ चत्तपुत्तकलत्तस्स, निव्वावारस्स भिक्खुणो। पियं न विज्जए किंचि, अप्पियं पि न विज्जए ॥१५॥ बहुं खु मुणियो भदं, अणगारस्स भिक्खुणो । सव्वो विप्पमुक्कस्स, एगन्तमणुपस्सो ॥१६॥ एयमटुं निसामित्ता, हेऊकारणचोइअो। तओ नमि रायरिसिं, देविंदो इणमब्बवी ॥१७॥ पागारं कार इत्ता, गोपुरट्टालगाणि य । उस्सूलगसयग्धीओ, तो गच्छसि खत्तिया ! ॥१८॥ एयमटुं निसामित्ता, हेऊकारणचोइयो। तो नमी रायरिसी, देविंदं इणमब्बवी ॥१६।। सद्ध नगरं किच्चा, तवसंवरमग्गलं । खंतिं निउणपागारं, तिगुत्तं दुप्पधसयं ।।२०।। धणुं परक्कम किच्चा, जीवं च इरियं सया। धिइं च केयणं किच्चा, सञ्चण पलिमन्थए ।।२१।। तवनारायजुत्तेणं, भित्तूरणं कम्मकंचुयं । मुणी विगयसंगामो, भवाओ परिमुच्चए ॥२२॥ एयमटुं निसामित्ता, हेऊकारणचोइओ। तो नमि रायरिसिं, देविन्दो इणमब्बवी ॥२३॥ पासाए कारइत्ताणं, वद्धमाणगिहाणि य । बालग्गपोइयाओ य, तओ गच्छसि खत्तिया ! ॥२४॥
